ព្រឹត្តិការណ៍«រត់ដើម្បីសត្វផ្សោតទន្លេមេគង្គ៖ ផ្សារភ្ជាប់ទេសចរណ៍ ក្នុងរដូវកាលបៃតង» ចម្ងាយ ៥គម នៅខេត្តស្ទឹងត្រែង នឹងប្រព្រឹត្តទៅនៅថ្ងៃទី៩ សីហា

ស្ទឹងត្រែង៖ ក្រសួងទេសចរណ៍ សហការជាមួយរដ្ឋបាលខេត្តស្ទឹងត្រែង នឹងរៀបចំព្រឹត្តិការណ៍ រត់ដើម្បីសត្វផ្សោតទន្លេមេគង្គ៖ ផ្សារភ្ជាប់ទេសចរណ៍ក្នុងរដូវកាលបៃតង ចម្ងាយ ៥គម ដែលនឹងប្រព្រឹត្តទៅនៅថ្ងៃទី៩ ខែសីហា ឆ្នាំ២០២៦ ក្នុងគោលបំណងផ្សព្វផ្សាយសក្តានុពលទេសចរណ៍ ជំរុញចលនាទេសចរណ៍ទៅកាន់ខេត្តស្ទឹងត្រែង និង ភូមិភាគឦសាន អមជាមួយព្រឹត្តិការណ៍ទេសចរណ៍រដូវកាលបៃតងឆ្នាំ២០២៦។

បើតាមក្រសួងទេសចរណ៍ ព្រឹត្តិការណ៍ រត់ដើម្បីសត្វផ្សោតទន្លេមេគង្គ៖ ផ្សារភ្ជាប់ទេសចរណ៍ក្នុងរដូវកាលបៃតង ចម្ងាយ ៥គម ដែលនឹងប្រព្រឹត្តទៅនៅថ្ងៃទី៩ ខែសីហា ឆ្នាំ២០២៦ វេលាម៉ោង ៦:០០ នាទីព្រឹក នឹងចេញដំណើរពីខាងមុខទីលានតេជោ-ធិបតី (ទល់មុខសាលាខេត្ត ស្ទឹងត្រែង) ក្នុងគោលបំណងផ្សព្វផ្សាយសក្តានុពលទេសចរណ៍ ជំរុញចលនាទេសចរណ៍ទៅកាន់ខេត្តស្ទឹងត្រែង និង ភូមិភាគឦសាន អមជាមួយព្រឹត្តិការណ៍ទេសចរណ៍រដូវកាលបៃតងឆ្នាំ២០២៦។

បេក្ខជន ដែលចង់ចូលរួមកម្មវិធីនេះមិនមានតម្រូវឱ្យបង់ថវិកាទេ ហើយអ្នកចុះឈ្មោះចូលរួម នឹងទទួលបានអាវយឺត ភេសជ្ជៈ និងអាហារសម្រន់។ អ្នកដែលចុះឈ្មោះចូលរួម អាចមកទទួលយកអាវយឺតនៅថ្ងៃទី៨ ខែសីហា ឆ្នាំ២០២៦ ចាប់ពីម៉ោង ៨:០០ នាទី ដល់ម៉ោង ១៧:០០ នាទី នៅមជ្ឈមណ្ឌលផ្តល់ព័ត៌មានទេសចរណ៍ (សួនច្បារសេកុង) ខេត្តស្ទឹងត្រែង។

សម្រាប់សាធារណជនដែលមានបំណងចង់ចូលរួម អាចចុះឈ្មោះចូលរួមឱ្យបានទាន់ពេលវេលាតាមរយៈ QR Code ខាងក្រោម ចាប់ពីថ្ងៃជូនដំណឹងនេះរហូតដល់ថ្ងៃទី៥ ខែសីហា ឆ្នាំ២០២៦៕