ភ្នំពេញ៖ លោក កឹម សុខា អតីតមេបក្សប្រឆាំងនៅកម្ពុជា នៅថ្ងៃទី២៥ ខែឧសភា ឆ្នាំ២០២៦នេះ ត្រូវបានប្រមុខរដ្ឋស្តីទី សម្តេចហ៊ុន សែន បានចេញព្រះរាជក្រឹត្យលើកលែងទោសពាក់ព័ន្ធ «សន្ទិដ្ឋិភាពជាមួយបរទេស» ដែលត្រូវបានតុលាការសម្រេចផ្តន្ទាទោសដាក់ពន្ធនាគារកំណត់២៧ឆ្នាំ។
យោងតាមព្រះរាជក្រឹត្យមាត្រា១ បានចែងថា "លើកលែងទោសឱ្យទណ្ឌិតឈ្មោះ កឹម សុខា ភេទប្រុស កើតឆ្នាំ ១៩៥៣ ដែលត្រូវបាន តុលាការសម្រេចផ្ដន្ទាទោសដាក់ពន្ធនាគារកំណត់ ២៧ឆ្នាំ តាមអំណាចសាលដីកា ព្រហ្មទណ្ឌស្ថាពរលេខ ៧៩០ ក្រXI "អ.ណ" ចុះថ្ងៃទី៣០ ខែមេសា ឆ្នាំ២០២៦ របស់សាលាឧទ្ធរណ៍ភ្នំពេញ"
គួរបញ្ជាក់ថា លោក កឹម សុខា អតីតមេបក្សប្រឆាំងដែលត្រូវរំលាយចោល គឺគណបក្សសង្រ្គោះជាតិ នៅរំលងអាធាត្រ ឈានចូលថ្ងៃទី ០៣ កញ្ញា ឆ្នាំ២០១៧ ត្រូវបានសមត្ថកិច្ចចាប់ខ្លួន ពីបទប៉ុនប៉ងផ្តួលរំលំរដ្ឋាភិបាល។លោកត្រូវបានតុលាការផ្តន្ទាទោសពីបទ «សន្ទិដ្ឋិភាពជាមួយបរទេស» តាមមាត្រា ៤៤៣ នៃក្រមព្រហ្មទណ្ឌ។ មុននឹងទទួលបានការលើកលែងទោស លោកត្រូវបានសាលាឧទ្ធរណ៍ សម្រេចតម្កល់សាលក្រមសាលាដំបូង និង ផ្តន្ទាទោសបន្ថែមដោយហាមឃាត់មិនឱ្យចេញក្រៅប្រទេសរយៈពេល ៥ឆ្នាំ កាលពីថ្ងៃទី៣០ ខែមេសា ឆ្នាំ២០២៦៕
