ចិន៖ ប្រធានាធិបតីរុស្ស៊ី លោក វ្ល៉ាឌីមៀ ពូទីន គ្រោងនឹងទៅទស្សនកិច្ចទីក្រុងប៉េកាំង ប្រទេសចិន នៅសប្តាហ៍ក្រោយ នេះបើយោងតាមការចុះផ្សាយរបស់កាសែត South China Morning Post, SCMP របស់ហុងកុង។ យោងតាម SCMP ចេញផ្សាយនៅថ្ងៃទី១៥ ឧសភានេះ លោកប្រធានាធិបតី ពូទីន គ្រោងនឹងទៅទស្សនកិច្ចប្រទេសចិននៅថ្ងៃទី២០ ខាងមុខនេះ សម្រាប់ដំណើរកម្សាន្តរយៈពេលមួយថ្ងៃ។ លោក Dmitry Peskov អ្នកនាំពាក្យវិមានក្រឹមឡាំង ក៏បានថ្លែងនៅថ្ងៃនេះដែលថាដំណើរទស្សនកិច្ចរបស់លោកពូទីន ទៅកាន់ប្រទេសចិន គឺជិតមកដល់ហើយ ដោយលោកបញ្ជាក់ថាការរៀបចំត្រូវបានបញ្ចប់រួចហើយ។
បើតាមកាសែត SCMP ដំណើរទស្សនកិច្ចរបស់លោកប្រធានាធិបតី ពូទីន លើកនេះមិនមែនជាដំណើរទស្សនកិច្ចរបស់រដ្ឋទេ។មន្ត្រីចិនម្នាក់បាននិយាយថាដំណើរទស្សនកិច្ចនេះគឺជាផ្នែកមួយនៃការផ្លាស់ប្តូរទម្លាប់កាទូតរវាងរុស្ស៊ី និងចិន ហើយនឹងមិនមានក្បួនដង្ហែរយោធា ឬព្រឹត្តិការណ៍ស្វាគមន៍ទ្រង់ទ្រាយធំដាច់ដោយឡែកនោះទេ មន្រ្តីចិនរូបនេះពន្យល់ទៀតថាដោយសារអាជ្ញាធរចិនរវល់រៀបចំសម្រាប់ដំណើរទស្សនកិច្ចរបស់លោក ត្រាំ និងរៀបចំព្រឹត្តិការណ៍នានា ដូចច្នេះទស្សនកិច្ចរបស់ពូទីនទំនងមិនត្រូវបានធ្វើឡើងជាមួយនឹងកម្រិតពិធីការដូចលោកត្រាំនោះទេ៕
