ភ្នំពេញ៖គណៈរដ្ឋមន្ត្រី នៃព្រះរាជាណាចក្រថៃ កាលពីថ្ងៃទី ៥ ឧសភា បានអនុម័តនូវសេចក្តីសម្រេចស្តីពីការបញ្ចប់នូវអនុស្សរណៈយោគយល់គ្នាឆ្នាំ២០០១ ពាក់ព័ន្ធទៅនឹងការទាមទារត្រួតគ្នាក្នុងដែនសមុទ្ររួមគ្នារវាងកម្ពុជា និងថៃ។ថៃបានធ្វើជាឯកតោភាគីនៅពេលនេះ មិនមានផលប៉ះពាល់មកដល់ព្រំដែនទឹកកម្ពុជានោះទេ។នេះបើយោងតាមលោកបណ្ឌិត មាស នី អ្នកតាមដានបញ្ហាសង្គម។
លោកបណ្ឌិត មាស នី បានពន្យល់ថា វាគ្រាន់តែជាការផ្ត់ល់ជម្រើសឲ្យកម្ពុជាត្រូវតែបង្វែរចេញពី MOU 2001 ហើយទៅយកច្បាប់ UNCLOS មកប្រើវិញ។រាល់ការអភិវឌ្ឍន៏ទាំងអស់នៅក្នុងសមុទ្រដែលប្រទេសទាំងពីរបានព្រមព្រៀងកន្លងទៅត្រូវបានបញ្ឈប់ទាំងស្រុង។ក្នុងលក្ខ័ន្តនេះ ប្រទេសនីមួយៗត្រូវឈរនៅលើភាពម្ជាស់ការលើការគ្រប់គ្រងដែនទឹករៀងៗខ្លួន។
បើតាមអ្នកតាមដានសង្គមរូបនេះ បានផ្តល់ជាមតិថា អ្វីដែលកម្ពុជាត្រូវធ្វើ គឺពង្រឹងទំនាក់ទំនងការទូតជាមួយអាស៊ាន នឹងសហគមន៏អន្តរជាតិ ដើម្បីទទួលបាននូវការការពារផ្នែកផ្លូវច្បាប់សម្រាប់ការពារដែនទឹក។តែចាប់ពីពេលនេះតទៅ កម្ពុជាត្រូវតែគ្រប់គ្រងដែនទឹកដោយខ្លួនឯងឲ្យបានច្បាស់លាស់ទាំងបច្ចេកទេស ភូមិសាស្ត្រ ធនធានធម្មជាតិ ទេសចរណ៍ និង ផែនការអភិវឌ្ឍន៏នៅក្នុងដែនទឹកប្រកបដោយតម្លាភាពបំផុត។ទាំងអស់នេះ ត្រូវតែធ្វើឡើងដោយក្រុមអ្នកបច្ជេកទេស និងអ្នកច្បាប់ឯករាជ្យ ទាំងមកពីថ្នាក់ជាតិនឹងអន្តរជាតិ ជាជាងការការយកនយោបាយមកឡូកឡំ (កុំអំនួតឬនិយាយច្រើនជាងធ្វើ)។
លោកថ្លែងថា "ការអត់ធ្មត់ផ្នែកកម្លាំងប្រដាប់អាវុធនៅតែមានសារះសំខាន់ នៅក្នុងកាលះទេសះនេះ ដោយសារតែថៃមានកម្លាំងយោធាខ្លាំង តែកម្ពុជាត្រូវតែបន្តយកប្រៀបផ្នែកផ្លូវច្បាប់ និង ការទូតទាំងនៅលើឆាកអន្តរជាតិនិងនៅក្នុងតំបន់តាមរយះការតស៊ូមតិដោយមិនប្រឈម (soft advocacy rather than confronting advocacy)៕
