ភ្នំពេញ៖សម្តេច ហ៊ុន សែន ប្រធានព្រឹទ្ធសភា និងជាប្រធានគណបក្សប្រជាជនកម្ពុជា នៅថ្ងៃទី ២៥ មេសានេះ បានចាប់ផ្តើមចុះបេសកកម្មចុះមូលដ្ឋានជួបមន្ត្រីជាក្រុមប្រឹក្សារាជធានី ខេត្ត ក្រុង ស្រុក ខណ្ឌ និងឃុំ សង្កាត់ នៅទូទាំងប្រទេស ក្នុងន័យជំរុញបន្ថែមទៀត ឱ្យអង្គបោះឆ្នោតបានធ្វើការបម្រើប្រជាជនកាន់តែសកម្ម និង កាន់តែល្អក្នុងការផ្ដល់សេវានានា។បេសកកម្មនេះ គឹចាប់ផ្តើមពីខេត្តកំពង់ចាមមុនគេ។
យោងតាមកម្មវិធី សម្តេច ហ៊ុន សែន ប្រធានព្រឹទ្ធសភាកម្ពុជា និងជាប្រធានគណបក្សប្រជាជនកម្ពុជា នឹងចាប់ផ្តើមបេសកកម្មចុះតាមមូលដ្ឋាននៅទូទាំងប្រទេសកម្ពុជា ចាប់ពីថ្ងៃទី ២៥ មេសានេះ ហើយខេត្តដែលចាប់ផ្តើមមុនគេគឺ ខេត្តកំពង់ចាម បន្ទាប់មក គឺខេត្តត្បូងឃ្មុំ នឹងខេត្តដទៃទៀតជាបន្តបន្ទាប់។
លោក ជា ធីរិទ្ធ អ្នកនាំពាក្យសម្តេច ហ៊ុន សែន បានថ្លែងថា ដំណើរចុះទៅកាន់មូលដ្ឋានរបស់សម្តេច ហ៊ុន សែន នេះ គឺជាការអនុវត្តទៅតាមអ្វីដែលជាការប្ដេជ្ញារបស់សម្ដេច គឺធ្វើយ៉ាងណាឱ្យសមាជិកព្រឹទ្ធសភា មានការងារកាន់តែសកម្មជាមួយអង្គបោះឆ្នោត ជាពិសេសសមាជិកក្រុមប្រឹក្សាឃុំ សង្កាត់ ដែលជាអ្នកបោះឆ្នោតជ្រើសរើសសមាជិកព្រឹទ្ធសភា។សម្រាប់លោក ធីរិទ្ធ ចុះជួបមន្ត្រីក្រុមប្រឹក្សារនាពេលនេះ ក៏ជាការឱកាសក្រើនរំលឹក និងជំរុញបន្ថែមទៀត ឱ្យអង្គបោះឆ្នោតបានធ្វើការបម្រើប្រជាជនកាន់តែសកម្ម និងកាន់តែល្អក្នុងការផ្ដល់សេវានានា។
.jpg?1776911952)
