ប៉េកាំង៖ គណៈកម្មាធិការអចិន្ត្រៃយ៍នៃសភាប្រជាជនជាតិចិន បានគូសបញ្ចាក់នៅក្នុងសេចក្តីថ្លែងការណ៍មួយ កាលពីល្ងាចថ្ងៃព្រហស្បតិ៍ថា អ្នកតាក់តែងច្បាប់ចិន បានដកឧត្តមសេនីយ៍កងទ័ពរំដោះប្រជាជនចិនចំនួនប្រាំរូប ចេញពីសមាជិកភាពសភា ដោយក្នុងនោះមានលោក Li Qiaoming ធ្លាប់ជាមេបញ្ជាការកងទ័ពជើងគោក PLA និង លោក Shen Jinlong អតីតមេបញ្ជាការកងទ័ពជើងទឹក PLA ត្រូវបានបណ្តេញចេញពីតំណែងជាអនុប្រធាន NPC (សភាតំណាងប្រជាជនចិន)។
យោងតាមសេចក្តីថ្លែងការណ៍របស់ក្រសួងការពារជាតិចិន បានបញ្ជាក់ថា ខ្លួនកំពុងស៊ើបអង្កេតលោក Liu Zhenli ប្រធានបុគ្គលិកនៃនាយកដ្ឋានបុគ្គលិករួមនៃគណៈកម្មការយោធាកណ្តាលដ៏មានឥទ្ធិពល ដែលត្រួតពិនិត្យផែនការប្រយុទ្ធ។ តាមកាសែត South China Morning Post ក្រៅពីឧត្តមសេនីយ៍ទាំងប្រាំរូប ឧត្តមសេនីយ៍ឯកម្នាក់ និង ឧត្តមសេនីយ៍ឯកបីរូបក៏ត្រូវបានដកចេញពីបញ្ជីអនុប្រធាននៅក្នុងស្ថាប័ននីតិប្បញ្ញត្តិកំពូលរបស់ប្រទេសចិនផងដែរ៕
