ភ្នំពេញ៖ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ កម្ពុជា និងសម្តេចព្រះមហាក្សត្រី នរោត្តម មុនិនាថ សីហនុ នៅព្រឹកថ្ងៃទី២៧ ខែកុម្ភៈ បានយាងទៅទីក្រុងប៉េកាំង ប្រទេសចិន ដើម្បីពិនិត្យព្រះរាជសុខភាព។
អំឡុងព្រះអង្គអវត្តមាន សម្តេច ហ៊ុន សែន ប្រធានព្រឹទ្ធសភា និងជាប្រធានក្រុមឧត្តមប្រឹក្សាផ្ទាល់ព្រះមហាក្សត្រ ទទួលជួយព្រះករុណា ក្នុងឋានៈជាប្រមុខរដ្ឋស្ដីទី។
គួរបញ្ជាក់ថា ព្រះមហាក្សត្រកម្ពុជា និងសម្តេចព្រះមហាក្សត្រី តែងតែយាងទៅពិនិត្យព្រះរាជសុខភាព នៅប្រទេសចិន ១ឆ្នាំចំនួន២ដង ដែលរៀបចំឡើងរៀងរាល់៦ខែម្តង តាមការយាងពីក្រុមគ្រូពេទ្យចិន។
