ភ្នំពេញ៖ អ្នកនាំពាក្យក្រសួងការបរទេសកម្ពុជា បានបញ្ជាក់ថា ឈ្មោះ Charlie Tiu Hay Ang គេស្គាល់ថា Atong Ang ដែលអាជ្ញាធរហ្វីលីពីនស្វែងរកចាប់ខ្លួនពាក់ព័ន្ធនឹងបទល្មើសជាច្រើនករណីនោះ មិនស្ថិតនៅក្នុងប្រទេសកម្ពុជាទេ។ យោងតាមរបាយ ការណ៍ផ្លូវការរបស់អគ្គនាយកដ្ឋានអន្តោប្រវេសន៍ ក្រសួងមហាផ្ទៃកម្ពុជា មិនមានទិន្នន័យអំពីការចូល ឬចេញរបស់ឈ្មោះ Charlie Tiu Hay Ang នេះ នៅតាមច្រកព្រំដែនអន្តរជាតិណាមួយរបស់កម្ពុជាឡើយ។
សេចក្តីបំភ្លឺនេះ ធ្វើឡើងដើម្បីច្រានចោលនូវរបាយការណ៍នាពេលថ្មីៗនេះរបស់ប្រព័ន្ធផ្សព្វផ្សាយ មួយចំនួន ដែលបានលើកឡើងថា ឈ្មោះ Charlie Tiu Hay Ang ប្រហែលជាកំពុងលាក់ខ្លួននៅក្នុងប្រទេសកម្ពុជា ខណៈដែលមន្ត្រីប៉ូលីសហ្វីលីពីនមួយក្រុមត្រូវបានដាក់ពង្រាយ ដើម្បីស្វែងរកចាប់ខ្លួនបុគ្គល រូបនេះ៕
