ចិន៖ ប្រទេសចិន នៅថ្ងៃ៣១ មករា ម្សិលមិញ បានបាញ់បង្ហោះផ្កាយរណប Remote Sensing របស់ប្រទេសអាល់ហ្សេរីយ៉ា ចេញពីមជ្ឈមណ្ឌលបង្ហោះផ្កាយរណប Jiuquan ក្នុងតំបន់ភាគពាយព្យនៃប្រទេសចិន។ តាមរយៈការប្រើប្រាស់គ្រាប់រ៉ុក្កែត Long March-2C ផ្កាយរណបនេះត្រូវបានបញ្ជូនទៅកាន់គន្លងតារាវិថីដោយជោគជ័យ កាលពីវេលាម៉ោង ១២:០១ នាទី ម៉ោងទីក្រុងប៉េកាំង ដើម្បីបម្រើឱ្យបេសកកម្មសំខាន់ៗដូចជា ការរៀបចំផែនការប្រើប្រាស់ដីធ្លី ការបង្ការ និងការកាត់បន្ថយគ្រោះមហន្តរាយធម្មជាតិ។ នេះបើតាមការចុះផ្សាយរបស់កាសែតចិនCCTV។
គួរឱ្យដឹងផងដែរថា ការបាញ់បង្ហោះលើកនេះ គឺជាបេសកកម្មលើកទី ៦២៩ ហើយសម្រាប់ប្រភេទរ៉ុក្កែត Long March របស់ប្រទេសចិន។
