.png?1741682398)
ភ្នំពេញ៖ យ៉ាងហោចណាស់មានមនុស្ស៥នាក់បានស្លាប់ និងចំនួន១១០នាក់ផ្សេងទៀត រងគ្រោះដោយសារពុលស្រា។នេះបើយោងតាមរបាយការណ៍ របស់មន្ទីរសុខាភិបាលខេត្តកំពង់ឆ្នាំង។
តាមរបាយការណ៍ បានគូសបញ្ជាក់ថា មន្ទីរសុខាភិបាលបានទទួលព្យាបាល អ្នកមានអាការ:សង្ស័យពុលស្រាស នៅមន្ទីរពេទ្យខេត្ត កំពង់ឆ្នាំង មានចំនួន ១០៥នាក់ (ស្រី ៦នាក់) ក្នុងចំណោមនោះ អ្នកមានស្ថានភាពធ្ងន់ធ្ងរចំនួន ៦នាក់ និងបានបញ្ជូន ទៅមន្ទីរពេទ្យកាល់ម៉ែតចំនួន ០៥នាក់ (ស្លាប់នៅតាមផ្លូវ ពេលបញ្ជូនចំនួន ០២នាក់ និងករណីនៅធ្ងន់ធ្ងរកំពុងសង្គ្រោះ ០១នាក់) មានករណីស្លាប់នៅមន្ទីរពេទ្យខេត្ត កំពង់ឆ្នាំង ០១នាក់ ស្លាប់នៅផ្ទះ ០១នាក់ និងបានព្យាបាលនៅមណ្ឌលសុខភាពអភិវឌ្ឍន៍ ចំនួន ១០ នាក់។
របាយការណ៍បញ្ជាក់ថា ជាសរុបអ្នករងគ្រោះ ចំនួន ១១៥ នាក់ (ស្រី៦នាក់) ក្នុងនោះស្លាប់ ៥នាក់។បច្ចុប្បន្នអ្នកជំងឺដែលកំពុងសម្រាកព្យាបាល មានការវិវត្តន៌មកស្ថានភាពល្អ ប្រសេីរវិញហេីយ។មូលហេតុអ្នក ទាំងអស់ខាងលេីបានមកចូលរួមកំដរបុណ្យសពក្នុងភូមិ ហើយជួបជុំគ្នាពិសារស្រាស រីឯការសន្និដ្ឋានរបស់ក្រុមការងារចុះស្រាវជ្រាវពិនិត្យ គឺជាករណីសង្ស័យពុលស្រាស។
ជាវិធានការណ៏ និងអន្តរាគមន៌ជួយដល់អ្នកសង្ស័យពុលស្រាស រដ្ឋមន្ត្រីក្រសួងសុខាភិបាល បានចាត់ថ្នាក់ដឹកនាំជាន់ខ្ពស់ចំនួន ០៣រូប និងមានក្រុមឆ្លេីយតបបន្ទាន់នៃនាយកដ្ឋានប្រយុទ្ធនឹងជំងឺឆ្លងនៃកហរសួងសុខាភិបាល ចុះធ្វេីដំណេីរទាំងយប់ទៅខេត្តកំពង់ឆ្នាំង ដេីម្បីជួយការងារបច្ចេកទេសដល់មន្ទីរសុខាភិបាលខេត្តកំពង់ឆ្នាំង រហូតដល់ស្ថានភាពគ្រប់គ្រងបានទាំងស្រុង។
ក្រសួងបានចាត់វិធានការណ៏ហាមការផឹកស្រាស និងបញ្ឈប់ការធ្វេីចរាចរលក់ដូរស្រាស ជា បន្ទាន់ សង្រ្គោះជនរងគ្រោះ បញ្ជូនមកព្យាបាលនៅមន្ទីរពេទ្យខេត្កំពង់ឆ្នាំងបានទាន់ពេល លេីកលែងអ្នកដែលមានសភាពធ្ងន់ធ្ងរពេកដែលបានបាត់បង់ជីវិតគួរឲ្យសោកស្តាយជាទីបំផុត។បន្តអប់រំសុខភាពប្រជាពលរដ្ឋជាបន្តទៀត ជាពិសេសមិនត្រូវពិសារស្រាសដែលផលិតគ្មានបច្ចេកទេសត្រឹមត្រូវ។
ជាកាកត់សម្គាល់ ករណីពុលស្រា តែងកើតមានជារឿយៗ នៅតាមបណ្ដាខេត្តមួយចំនួនក្នុងប្រទេសកម្ពុជា ដែលកាលពីខែឧសភាឆ្នាំ២០១៨ក៏មានករណីស្រដៀងគ្នានេះកើតឡើងក្នុងខេត្តក្រចេះដែរ ដែលពេលនោះបណ្ដាលឲ្យមនុស្សជាង១០នាក់បានស្លាប់ និងជាង២០០នាក់ផ្សេងទៀតចូលសម្រាកព្យាបាលក្នុងមន្ទីរពេទ្យ។ជារឿយៗក្រសួងសុខាភិបាលបានអំពាវនាវឲ្យប្រជាពលរដ្ឋកុំពិសាស្រាស ដែលរៀបចំគ្មានបច្ចេកទេសត្រឹមត្រូវ ដើម្បីចៀសផុតពីការពុល ហើយនឹងអាចបណ្តាលឲ្យស្លាប់បាត់បង់ជីវិតថែមទៀត៕
.png?1744178821)
