ថៃ៖ ថ្លែងនៅចំពោះមុខលោកប្រធានាធិបតីចិនស៊ីជិនភីងក្នុងជំនួបប្រជុំទ្វេភាគីលោកនាយករដ្ឋមន្រ្តីថៃអនុទីនបានប្តេជ្ញាចិត្តថាថៃនឹងបន្តបង្ក្រាបយ៉ាងខ្លាំងលើការលេងល្បែងស៊ីសងតាមអ៊ីនធឺណិត និងឧក្រិដ្ឋកម្មឆ្លងដែន។ លោកបញ្ជាក់ទៀតថាប្រទេសថៃនឹងឆ្លៀតឱកាសនេះដើម្បីរក្សាការផ្លាស់ប្តូរទំនាក់ទំនងកម្រិតខ្ពស់ឱ្យកាន់តែជិតស្និទ្ធជាមួយប្រទេសចិន ពង្រឹងកិច្ចសហប្រតិបត្តិការក្នុងវិស័យដូចជា សេដ្ឋកិច្ច និងពាណិជ្ជកម្ម វិទ្យាសាស្ត្រ និងបច្ចេកវិទ្យា ការតភ្ជាប់ និងទេសចរណ៍ និងរួមគ្នាជំរុញទំនាក់ទំនងថៃ-ចិនឱ្យឈានដល់កម្រិតថ្មីមួយ។
នៅក្នុងកិច្ចប្រជុំជាមួយលោកស៊ីថៃបានចាត់ទុកខួបលើកទី ៥០ឆ្នាំ នៃទំនាក់ទំនងការទូតរវាងប្រទេសទាំងពីរថាជាព្រឹត្តិការណ៍ដ៏សំខាន់មួយ លោកនាយករដ្ឋមន្ត្រីបានមានប្រសាសន៍ថា ប្រទេសថៃនឹងឆ្លៀតឱកាសនេះដើម្បីរក្សាការផ្លាស់ប្តូរកម្រិតខ្ពស់ឱ្យកាន់តែជិតស្និទ្ធជាមួយប្រទេសចិន ពង្រឹងកិច្ចសហប្រតិបត្តិការក្នុងវិស័យដូចជា សេដ្ឋកិច្ច និងពាណិជ្ជកម្ម វិទ្យាសាស្ត្រ។ លោក អនុទីន ក៏បានសន្យាថា ប្រទេសថៃនឹងបន្តបង្ក្រាបយ៉ាងខ្លាំងលើការលេងល្បែងស៊ីសងតាមអ៊ីនធឺណិត និង ឧក្រិដ្ឋកម្មឆ្លងដែននាៗ។
សម្រាប់នាយករដ្ឋមន្រ្តីថៃដដែល គំនិតផ្តួចផ្តើមសកលសំខាន់ៗចំនួនបួនដែលដាក់ចេញដោយលោកប្រធានាធិបតី ស៊ី បង្ហាញពីតួនាទីរបស់ប្រទេសចិនជាប្រទេសសំខាន់ដែលមានទំនួលខុសត្រូវក្នុងកិច្ចការអន្តរជាតិ ដែលប្រទេសថៃពេញចិត្តយ៉ាងខ្លាំង និងគាំទ្រ។ លោក អនុទីន អះអាងទៀតថា ប្រទេសថៃបានត្រៀមខ្លួនរួចជាស្រេចដើម្បីបង្កើនការសម្របសម្រួលពហុភាគីជាមួយប្រទេសចិន និងធ្វើការជាមួយប្រទេសចិនដើម្បីលើកកម្ពស់សន្តិភាព ស្ថិរភាព និងវិបុលភាពក្នុងតំបន់៕
