កងទ័ពកម្ពុជា-ថៃ ឯកភាពគ្នាលើចំណាត់ថ្នាក់សព្វាវុធជា៣ប្រភេទដើម្បីដកចេញពីតំបន់ព្រំដែន

ឧត្តរមានជ័យ៖ កិច្ចពិភាក្សាលើការកែសម្រួលអាវុធ និងយុទ្ធោបករណ៍បំផ្លិចបំផ្លាញធុនធ្ងន់ ចេញពីតំបន់ព្រំដែនរវាង ឧត្តមសេនីយ៍ឯក ពៅ ហេង មេបញ្ជាការ យោធភូមិភាគទី៤ នៃព្រះរាជាណាចក្រកម្ពុជា និង ឧត្តមសេនីយ៍ទោ វីរ៉ាក់យុទ្ធ រ៉ាក់ស៊ីង មេបញ្ជាការ កងទ័ពភូមិភាគទី២ នៃព្រះរាជាណាចក្រថៃ ដោយមានការចូលរួមពីក្រុមអ្នកសង្កេតការណ៍អាស៊ាន (AOT) ប្រចាំនៅប្រទេសកម្ពុជា និង ប្រចាំនៅប្រទេសថៃ។

យោងតាមសេចក្តីប្រកាសព័ត៌មានលទ្ធផលនៃកិច្ចប្រជុំ ភាគីកម្ពុជា និងថៃ បានឯកភាពគ្នាលើចំណាត់ថ្នាក់សព្វាវុធជា៣ប្រភេទ ដើម្បីកែសម្រួលអាវុធ និងយុទ្ធោបករណ៍បំផ្លិចបំផ្លាញធុនធ្ងន់ ចេញពីតំបន់ព្រំដែន ហើយការកែសម្រួលនេះ នឹងចាប់ផ្តើមពីថ្ងៃស្អែកទី ១ វិច្ឆិកានេះតទៅ៕