ប៉ៃលិន៖ អ្នកបេីកបរត្រាក់ទ័រម្នាក់ បានស្លាប់នៅនឹងកន្លែង ក្នុងករណីផ្ទុះមីនតោនស្ថិតនៅចំណុចចំការល្មើរ ក្នុងភូមិអូរដីស្អិត ឃុំស្ទឹងត្រង់ ស្រុកសាលាក្រៅ ខេត្តប៉ៃលិន នៅថ្ងៃទី ១០ ខែមិថុនា ឆ្នាំ២០២៥ ចំណែកត្រាក់ទ័រភ្ជួរដីប្រភេទគូបូតាមួយគ្រឿង បានខូចខាតទាំងស្រុង។
លោក ហេង រតនា អគ្គនាយកសកម្មភាពមីនកម្ពុជា បានលើកឡើងថា នេះជាសំណល់យុទ្ធភណ្ឌសង្គ្រាម ដែលនៅតែបន្តគម្រាមកំហែងដល់សេចក្តីសុខសុវត្ថិភាពរបស់ប្រជាពលរដ្ឋ បេីទោះបីជាសង្គ្រាមបានបញ្ចប់ជាង២៥ឆ្នាំហេីយក៏ដោយ។ លោក បន្តថា រាជរដ្ឋាភិបាលក្រោមការដឹកនាំរបស់សម្តចនាយករដ្ឋមន្ត្រី បានបន្តខិតខំកិច្ចប្រតិបត្តិការបោសសម្អាតសំណល់គ្រាប់មីន និងគ្រាប់យុទ្ធភណ្ឌមិនទាន់ផ្ទុះយ៉ាងសកម្ម ដេីម្បីរំដោះទឹកដីសុវណ្ណភូមិពីឃាតករលាក់មុខទាំងនេះ៕
.png?1744178821)
