រថយន្តដឹកកម្មករ៤២នាក់ជួបគ្រោះថ្នាក់ចរាចរណ៍នៅកំពង់ស្ពឺ

កំពង់ស្ពឺ៖ រថយន្តក្រុងដឹកកម្មករ និងរថយន្តគ្រួសារមួយគ្រឿង មានឧបទ្ទវហេតុគ្រោះថ្នាក់ចរាចរណ៍បុកគ្នា នៅព្រឹកថ្ងៃទី០៧ ខែឧសភា ឆ្នាំ២០២៥ នៅត្រង់ចំណុចផ្លូវជាតិលេខ៤៤ ស្ថិតនៅចន្លោះគីឡូម៉ែត្រលេខ១២៩-១៣០ ភូមិខ្សាច់ពូន សង្កាត់វាលពង់ ក្រុងឧដុង្គម៉ែជ័យ ខេត្តកំពង់ស្ពឺ បណ្តាលឱ្យកម្មកររងរបួស៤០នាក់ ក្នុងនោះ ស្លាប់ម្នាក់ របួសធ្ងន់២នាក់ និងស្រាល៣៧។

ឧបទ្ទវហេតុគ្រោះថ្នាក់ចរាចរណ៍ កើតឡើងរវាងរថយន្តក្រុងដឹកកម្មករនិយោជិត ម៉ាក HYUNDAI ពណ៌បៃតងខ្ចី ផ្លាកលេខភ្នំពេញ 3B-4649 ដែលមានសមាជិកសរុប៤២រូប និងរថយន្តគ្រួសារមួយគ្រឿងនៅត្រង់ចំណុចផ្លូវជាតិលេខ៤៤ ស្ថិតនៅចន្លោះគីឡូម៉ែត្រលេខ១២៩-១៣០ ភូមិខ្សាច់ពូន សង្កាត់វាលពង់ ក្រុងឧដុង្គម៉ែជ័យ ខេត្តកំពង់ស្ពឺដែលបានបណ្តាលឱ្យកម្មកររងរបួស៤០នាក់ ក្នុងនោះ ស្លាប់ម្នាក់ របួសធ្ងន់២នាក់ និងស្រាល៣៧។

មុនកើតហេតុ គេប្រទះឃើញរថយន្តដឹកកម្មករបើកបរលើទិសដៅ ស្របគ្នាជាមួយរថយន្ដ FORD ចៃដន្យរថយន្ត FORD បានបត់ឆ្វេងដៃឆ្លងផ្លូវ បណ្ដាលឲ្យជួបគ្រោះថ្នាក់តែម្ដង ដោយរថយន្តដឹកកម្មករបានរេចង្កូតគេចទៅបុកដើមឈើ។ ក្រោយហេតុការណ៍ សមត្ថកិច្ចនគរបាល និងអាជ្ញាធរពាក់ព័ន្ធ បានបញ្ជូនកម្មករ កម្មការិនី ដែលរងរបួសទៅសង្រ្គោះព្យាបាលបន្ទាន់នៅមន្ទីរពេទ្យ និងបានចំណាត់ការនីតិវិធីបន្ដ។