ភ្នំពេញ៖ ក្រសួងព័ត៌មាន ស្នើម្ចាស់ស្ថានីយវិទ្យុ ទូរទស្សន៍ និងប្រព័ន្ធផ្សព្វផ្សាយទាំងអស់ ចូលរួមសហការទប់ស្កាត់ និងបញ្ឈប់នូវការផ្សព្វផ្សាយពាណិជ្ជកម្មឱសថបុរាណ និងឱសថ គ្រប់ប្រភេទដែលគ្មានការអនុញ្ញាតពីក្រសួងសុខាភិបាល។ នេះបើតាមសេចក្តីជូនដំណឹងក្រសួងព័ត៌មាន ក្នុងឆាណែលតេលេក្រាម នាថ្ងៃទី២៣ ខែ មេសា ឆ្នាំ២០២៥។
យោងតាម សេចក្តីជូនដំណឹងនៃក្រសួងព័ត៌មាន នាថ្ងៃទី២៣ ខែ មេសា ឆ្នាំ២០២៥ កន្លងមកនេះមានការផ្សព្វផ្សាយលក់ផលិតផលឱសថឈ្មោះ CALCUTIL និងឱសថផ្សេងៗទៀត ដោយគ្មានការអនុញ្ញាត ពីក្រសួងសុខាភិបាល ព្រមទាំងបានប្រើប្រាស់ខ្លឹមសារផ្សព្វផ្សាយបំផ្លើសហួសពីការពិត ដែលនាំឱ្យប្រជាពលរដ្ឋ មានការភាន់ច្រឡំ និងអាចប៉ះពាល់ដល់សុខភាព។ ដូចនេះ ដើម្បីចូលរួមការពារផលប្រយោជន៍របស់ប្រជាពលរដ្ឋ និងសុខភាពសាធារណៈ កាត់បន្ថយផល អវិជ្ជមាននៃការប្រើប្រាស់ឱសថ ដែលគ្មានប្រភពច្បាស់លាស់។
ដើម្បីឆ្លើយតបនឹងបញ្ហានេះ ក្រសួងព័ត៌មានស្នើសុំម្ចាស់ស្ថានីយវិទ្យុ ទូរទស្សន៍ និងប្រព័ន្ធផ្សព្វផ្សាយទាំងអស់ ចូលរួមសហការ និងអនុវត្តដោយបញ្ឈប់ការផ្សព្វផ្សាយលក់ផលិតផលឱសថឈ្មោះ CALCUTIL និងលុបមាតិកាដែលបាន ផ្សព្វផ្សាយកន្លងមកពាក់ព័ន្ធនឹងផលិតផលខាងលើ និងឱសថគ្រប់ប្រភេទ ដែលគ្មានការ អនុញ្ញាតពីក្រសួងសុខាភិបាល។ ជាពិសេស រាល់ការផ្សព្វផ្សាយផលិតផលឱសថ ត្រូវពិនិត្យឱ្យបានច្បាស់លាស់លើលេខបញ្ជីការ និង មានការអនុញ្ញាតពីក្រសួងសុខាភិបាល៕
.png?1744178821)
