ពលរដ្ឋជប៉ុន«៣០ម៉ឺននាក់»ប្រឈមនឹងការស្លាប់ដោយសារគ្រោះស៊ូណាមិ

ជប៉ុន៖ រដ្ឋាភិបាលជប៉ុនបានប៉ាន់ប្រមាណថាមានមនុស្សយ៉ាងហើចណាស់ដល់ទៅ៣០ម៉ឺននាក់អាចស្លាប់បាត់បង់ជីវិតអគារជាង២លាននឹងត្រូវខ្ទេចខ្ទីទាំងស្រុងព្រមទាំងរកការខូចខាតសេដ្ឋកិច្ច ១.៨ទ្រីលានដុល្លារ ប្រសិនបើកើតមានមហាគ្រោះរញ្ជួយដី Nankai Trough ក្នុងកម្រិតពី ៨ ទៅ ៩រិចទ័រ ដែលនាំមកនូវរលកយក្សស៊ូណាមិកម្ពស់៣០ម៉ែត្រ។

រដ្ឋាភិបាលជប៉ុនបានព្រមានទៀតថាគ្រោះរញ្ជួយដី Nankai Trough គឺជាប្រភេទគ្រោះរញ្ជួយកម្រិតធ្ងនធ្ងរ megaquake ហើយត្រូវគេព្យាករណ៍ថាលទ្ធភាពដែលអាចកើតមានដល់ទៅ ៨០% ដែលអាចនឹងកើតមានឡើងក្នុងពេលប៉ុន្មានឆ្នាំខាងមុខនេះ។

ដើម្បីឆ្លើយតបទៅនឹងការរកឃើញបញ្ហាដែលកើតមាននាពេលខាងមុខ រដ្ឋាភិបាលជប៉ុនបានបង្កើតផែនការរយៈពេល ១០ ឆ្នាំក្នុងគោលបំណងកាត់បន្ថយចំនួនអ្នកស្លាប់ យុទ្ធសាស្ត្ររួមមានការពង្រឹងអគារ ការពង្រឹងប្រព័ន្ធព្រមានជាមុន និងការកែលម្អនីតិវិធីជម្លៀសពលរដ្ឋចេញ ជាពិសេសនៅក្នុងតំបន់ដែលមានហានិភ័យខ្ពស់។

គួរបញ្ជាក់ថាតំបន់ Nankai Trough គឺជាតំបន់ដែលមានសកម្មភាពធរណីមាត្រខ្លាំង បណ្តាលឲ្យមាន រញ្ជួយដីកម្រិតខ្លាំង និង ស៊ូណាមី តំបន់នេះមានប្រវត្តិ រញ្ជួយដីធំៗជារៀងរាល់ ១០០-១៥០។ ដោយក្នុងឆ្នាំ ២០១១ ជប៉ុនក៏ធ្លាប់រងការរញ្ជួយដីកម្រិត ៩ រ៉ិចទ័រ និងបានបង្កើតទៅជារលកយក្សស៊ូណាមិជាបន្តបន្ទាប់បានបណ្តាលឱ្យមនុស្សស្លាប់ជាង ១៥,០០០ នាក់៕