រដ្ឋផ្តល់«ប្រាក់ឧបត្ថម្ភ»៥ម៉ឺនរៀលដល់មន្រ្តីក្នុងឱកាសបុណ្យចូលឆ្នាំខ្មែរ

ភ្នំពេញ៖ រាជរដ្ឋាភិបាល សម្រេចផ្តល់ប្រាក់ឧបត្ថម្ភចំនួន ៥០ ០០០ រៀលក្នុងម្នាក់ជូនដល់មន្ត្រីរាជការក្នុងឱកាសពិធីបុណ្យចូលឆ្នាំថ្មី ដំណាលគ្នាជាមួយនឹងការបើកផ្តល់ប្រាក់បៀវត្សសរុប ប្រចាំខែមេសា តែមួយលើកឱ្យបានដល់មន្រ្តីម្នាក់ៗយ៉ាងយូរបំផុតត្រឹមថ្ងៃទី១១ ខែមេសា ឆ្នាំ២០២៥។

យោងតាមក្រសួងសាធារណៈ ស្ថាប័នថ្នាក់ជាតិ និងថ្នាក់ក្រោមជាតិ នឹងរៀបចំការបើក ផ្តល់ប្រាក់ឧបត្ថម្ភក្នុងឱកាសពិធីបុណ្យចូលឆ្នាំថ្មី ដំណាលគ្នាជាមួយនឹងការបើកផ្តល់ប្រាក់បៀវត្សសរុបប្រចាំខែមេសា តែមួយលើកឱ្យបានដល់សាមីជនម្នាក់ៗយ៉ាងយូរបំផុតត្រឹមថ្ងៃទី១១ ខែមេសា ឆ្នាំ២០២៥ និងត្រូវរៀបចំ បើកផ្តល់ប្រាក់បៀវត្យលើកទី១ សម្រាប់ខែឧសភា ឆ្នាំ២០២៥ ឱ្យបានក្នុងសប្តាហ៍ទី១នៃខែឧសភា និងលើកទី២ឱ្យបាន ក្នុងសប្តាហ៍ទី៣នៃខែឧសភា ជូនមន្ត្រីរាជការរបស់ខ្លួន។

ការផ្តល់ជូនប្រាក់ឧបត្ថម្ភនេះ ជាការលើកទីកចិត្តដល់មន្រ្តីដែលបានខិតខំប្រឹងប្រែងធ្វើការបម្រើប្រជាពលរដ្ឋកន្លងមក ព្រមទាំងសម្រួលដល់ពេលវេលាបើកប្រាក់បៀវត្សឲ្យកាន់តែប្រសើរជាងមុន ផ្តល់ភាពងាយស្រួលដល់មន្រ្តីក្នុងឳកាសពិធីបុណ្យចូលឆ្នាំខ្មែរប្រពៃណីជាតិ៕