ប្រទះឃើញចម្លាក់ព្រះកេស«ទេវតាទាញព្រ័ត្រ»ចំនួន០១ ក្នុងជម្រៅដី១,២៣ម៉ែត្រ

សៀមរាប៖ ក្រុមកំណាយស្រាវជ្រាវ និងជួសជុលរបស់អាជ្ញាធរជាតិអប្សរា នៅថ្ងៃទី ១៨ ខែមីនា បានប្រទះឃេីញ ចម្លាក់ព្រះកេសទេវតាទាញព្រ័ត្រចំនួន០១ ធ្វេីពីថ្មភក់ នៅចំណុចខាងកេីតខ្លោងទ្វារ ជាប់ខាងត្បូងស្ពានហាល ត្រង់រូបទី៨ រាប់ពីកេីតមកលិច ប្រទះឃេីញក្នុងជម្រៅដី១,២៣ម៉ែត្រ។

បើតាមនាយកដ្ឋាននគរបាលការពារបេតិកភណ្ឌ បានឲ្យដឹងថា កម្លាំងអង្គភាពបានសហការជាមួយភ្នាក់ងារជំនាញអាជ្ញាធរជាតិអប្សរា ចុះទៅខ្លោងទ្វារជ័យ ស្ថិតក្នុងភូមិស្រះស្រង់ខាងត្បូង សង្កាត់នគរធំ ក្រុង/ខេត្តសៀមរាប ដេីម្បីធ្វេីការប្រគល់-ទទួល ចម្លាក់ព្រះកេសទេវតាទាញព្រ័ត្រចំនួន០១ ធ្វេីពីថ្មភក់ ដែលក្រុមកំណាយស្រាវជ្រាវ និងជួសជុលរបស់អាជ្ញាធរជាតិអប្សរាប្រទះឃេីញ នៅចំណុចខាងកេីតខ្លោងទ្វារ ជាប់ខាងត្បូងស្ពានហាល ត្រង់រូបទី៨ រាប់ពីកេីតមកលិច ប្រទះឃេីញក្នុងជម្រៅដី១,២៣ម៉ែត្រ ។

ទន្ទឹមនឹងនេះ ព្រះកេសនេះ លោក ស្រ៊ុន តិច មន្រ្តីក្រុមការដ្ឋានកំណាយ បានប្រគល់ឲ្យលោក ឈូក សុម៉ាឡា ប្រធានក្រុមចុះបញ្ជីវត្ថុសិល្បៈ នៃនាយកដ្ឋានអភិរក្សប្រាសាទ និងបុរាណវិទ្យា យកទៅរក្សាទុកនៅសារមន្ទីរព្រះនរោត្តមសីហនុ-អង្គរ ៕