ស្ថានទូតអាម៉េរិកធ្វើ«សមយុទ្ធ»បង្ការការបំពុលជាតិម្សៅក្នុងស្ថានទូត

ភ្នំពេញ៖ ស្ថានទូតអាម៉េរិកប្រចាំកម្ពុជា សហការជាមួយក្រុមសេវាសន្តិសុខការទូត បានធ្វើសមយុទ្ធបង្ការការបំពុលតាមរយៈជាតិម្សៅ នាថ្ងៃទី១៨ ខែមីនា ឆ្នាំ២០២៥ សម្រាប់មន្ត្រីការទូត ដើម្បីពង្រឹងការការពារសុវត្តិភាពដល់មន្រ្តីការទូត និងក្នុងស្ថានទូត។

ស្ថានទូតអាម៉េរិកប្រចាំកម្ពុជា បានរៀបចំសុខសុវត្តិភាពសម្រាប់មន្ត្រីការទូត និងស្ថានទូត ក្រោមការសហការជាមួយក្រុមសេវាសន្តិសុខការទូត បានធ្វើសមយុទ្ធបង្ការការបំពុលតាមរយៈជាតិម្សៅដ៏គួរឱ្យសង្ស័យ នាថ្ងៃទី១៨ ខែមីនា ឆ្នាំ២០២៥ ដោយមានវត្តមានរបស់មន្រ្តីពីអគ្គស្នងការដ្ឋាននគរបាលជាតិ។ សមយុទ្ធនេះ ជាការសាកល្បងនីតិវិធីសម្រាប់ឆ្លើយតបហានិភ័យដែលអាចកើតមានជាបន្ទាន់ បង្កើនការសហការ និងពង្រឹងរៀបចំត្រៀមសម្រាប់ការគំរាមគំហែងនានា។

ការធ្វើសមយុទ្ធហ្វឹកហាត់នេះ នឹងជួយឲ្យមន្រ្តីការទូតអាចត្រៀមខ្លួនឆ្លើយតបសង្រ្គោះបន្ទាន់ដោះស្រាយប្រកបដោយប្រសិទ្ធភាព ដឹងតួនាទី និងទំនួលខុសត្រូវអំឡុងពេលឧប្បត្តិហេតុពិតប្រាកដ រួមទាំងបង្កើនសុវត្តិភាព និងសន្តិសុខក្នុងស្ថានទូតផងដែរ៕