.png?1741682398)
បាងកក៖ តុលាការព្រហ្មទណ្ឌនៃប្រទេសថៃ បានចេញសេចក្តីបដិសេធចំពោះសំណើររបស់អតីតនាយករដ្ឋមន្រ្តី លោក ថាក់ស៉ីន ស៉ីណាវ៉ាត់ ក្នុងការចាកចេញពីប្រទេសថៃ ដើម្បីចូលរួមកិច្ចប្រជុំអាស៊ាននៅប្រទេសឥណ្ឌូនេស៊ី តាមការអញ្ជើញរបស់ប្រធានាធិបតីឥណ្ឌូនេស៊ី។ការបដិសេធនេះ គឺដោយសារលោកថាក់ស៊ីន នៅជាប់ការចោទប្រកាន់ពីបទប្រមាថព្រះមហាក្សត្រកន្លងមក។
យោងតាមប្រព័ន្ធផ្សព្វផ្សាយថៃ តុលាការព្រហ្មទណ្ឌនៃប្រទេសថៃ បានបើកសវនាការកាលពីម្សិលមិញ ដើម្បីពិនិត្យសម្រេចលើសំណើររបស់អតីតនាយករដ្ឋមន្រ្តី លោក ថាក់ស៉ីន ស៉ីណាវ៉ាត់ ក្នុងការចាកចេញពីប្រទេសថៃ ដើម្បីចូលរួមកិច្ចប្រជុំអាស៊ាននៅប្រទេសឥណ្ឌូនេស៊ី។ជាលទ្ធផល តុលាការថៃ បានសម្រេចទាត់ចោលសំណើររបស់លោកថាក់ស៊ីន ក្រោមហេតុផលថា លោកនៅជាប់បទចោទក្នុងសំណុំរឿងប្រមាថព្រះមហាក្សត្រថៃនៅឡើយមិនអាចចាកចេញក្រៅប្រទេសបាន។
កាលពីខែកុម្ភៈ លោក ថាក់ស៊ីន ស៊ីណាវ៉ាត្រា បានចាកចេញពីប្រទេសថៃ ដើម្បីកិច្ចពិភាក្សាជាមួយនាយករដ្ឋមន្ត្រីម៉ាឡេស៊ី លោក អាន់វ៉ា អ៊ីប្រាហ៊ីម ដោយបានពិភាក្សាលើបញ្ហារាប់សិបជំពូក រួមទាំងបញ្ហាមីយ៉ាន់ម៉ា និងរូបិយបណ្ណគ្រីបតូ។ប៉ុន្តែការចាកចេញនៅពេលនោះ តុលាការថៃ បានតម្រូវឱ្យលោកបង់ប្រាក់ធានាចំនួន ៥ លានបាត និង ការប្តេជ្ញាចិត្តដើម្បីរាយការណ៍ត្រឡប់មកវិញក្នុងរយៈពេលបីថ្ងៃ។
កាលពីថ្ងៃសៅរ៍ ទី១៥ ខែកុម្ភៈ តុលាការព្រហ្មទណ្ឌនៃប្រទេសថៃ បានអនុញ្ញាតឱ្យអតីតនាយករដ្ឋមន្រ្តី លោក ថាក់ស៉ីន ស៉ីណាវ៉ាត់ ធ្វើដំណើរទៅកាន់ប្រទេសព្រុយណេ ដើម្បីចូលរួមកិច្ចប្រជុំមួយ នាថ្ងៃទី១៨-១៩ ខែកុម្ភៈ ប៉ុន្តែបានបដិសេធសំណើរបស់លោក ដែលក្នុងឱកាសជាមួយគ្នានោះ ចង់ធ្វើដំណើរទៅកាន់ប្រទេសវៀតណាម និងកម្ពុជាផង៕
