ចិនព្រមានត្រៀមខ្លួនធ្វើ«សង្រ្គាម»ជាមួយអាម៉េរិកគ្រប់ទម្រង់

ចិន៖ប្រទេសចិនបានព្រមានថាសហរដ្ឋអាម៉េរិកថាខ្លួនបានត្រៀមខ្លួនរួចជាស្រេចសម្រាប់គ្រប់ទម្រង់នៃសង្រ្គាមជាមួយសហរដ្ឋអាម៉េរិករាប់បញ្ចូលទាំងសង្រ្គាមពាណិជ្ជកម្មថ្មីៗដែលលោកត្រាំបានដាក់ទៅលើប្រទេសចិន។ ការព្រមានរបស់ចិននេះធ្វើឡើងមួយថ្ងៃបន្ទាប់ពីអាម៉េរិកប្រកាសយកពន្ធដល់ទៅ ២០ភាគរយនៃការនាំចូលទំនិញរបស់ប្រទេសចិនចូលក្នុងអាម៉េរិក។

យោងតាមអ្នកនាំពាក្យក្រសួងការបរទេសចិន លោក Lin Jian បានអះអាងកាលពីល្ងាចថ្ងៃអង្គារថា "ប្រសិនបើសង្រ្គាមគឺជាអ្វីដែលសហរដ្ឋអាម៉េរិកចង់បាន មិនថាជាសង្គ្រាមពន្ធដារ សង្រ្គាមពាណិជ្ជកម្ម ឬសង្រ្គាមប្រភេទណាក៏ដោយ នោះយើងត្រៀមខ្លួនជាស្រេចដើម្បីប្រយុទ្ធរហូតដល់ទីបញ្ចប់"។

សម្រាប់លោក Jian ការបំភិតបំភ័យនិងការសម្លុតណាមួយនឹងមិនដំណើរការទេសម្រាប់ប្រទេសចិនដោយសារតែប្រទេសចិនក៏បានដាក់ពន្ធ ១៥% លើទំនិញអាម៉េរិកផងដែរ។ លោកបន្តទៀតថាការគាបសង្កត់ ការបង្ខិតបង្ខំ ឬការគំរាមកំហែង មិនមែនជាវិធីត្រឹមត្រូវក្នុងការដោះស្រាយជាមួយប្រទេសចិននោះទេ។ លោកបានចាត់ទុកការសម្រេចចិត្តដាក់ពន្ធលើប្រទេសចិនគឺជាការគិតខុសទាំងស្រុង៕