សហភាពអ៊ឺរ៉ុបប្តេជ្ញាបន្តជួយ«គាំទ្រអ៊ុយក្រែន»ក្នុងការស្វែងរកសន្តិភាព

អ៊ឺរ៉ុប៖ ក្រោយពីបរាជ័យកិច្ចប្រជុំកិច្ចព្រមព្រៀងរ៉ែជាមួយនឹងលោកដូណាល់ត្រាំ លោកប្រធានាធិបតីអ៊ុយក្រែន ហ្សេលែនស្គី បានធ្វើដំណើរឆ្ពោះទៅចក្រភពអង់គ្លេសជាទីកន្លែងដែលប្រមុខមេដឹកនាំសហភាពអ៊ឺរ៉ុបធ្វើការប្រជុំជាមួយនិងប្រទេសអ៊ុយក្រែនក្នុងការស្វែងរកផ្លូវចចារបញ្ចប់សង្រ្គាមរុស្ស៊ី-អ៊ុយក្រែន ដែលកំពុងតែឈានចូលឆ្នាំទី៤។

យោងតាមសេចក្តីថ្លែងការណ៍របស់សហភាពអ៊ឺរ៉ុប យើងនៅតែបន្តកិច្ចខិតខំប្រឹងប្រែងជួយអ៊ុយក្រែន សម្រាប់ពលរដ្ឋអ៊ឺរ៉ុប ក៏ដូចជាទាហាន និងជនស៊ីវិលស្លូតត្រង់ និងដើម្បីឯករាជ្យភាពនៃសហភាពអ៊ឺរ៉ុប ហើយពេលនេះសភាពអ៊ឺរ៉ុបកំពុងតែធ្វើការយ៉ាងយកចិត្តទុកដាក់ជាមួយសហរដ្ឋអាម៉េរិកដើម្បីឈានទៅរកផ្លូវសន្តិភាពម្តងទៀត និងធានាសុវត្ថិភាពដល់អ៊ុយក្រែន។

គួរបញ្ជាក់ថាជម្លោះដល់តឹងសរសៃកវាងលោកដូណាល់ត្រាំ និងមេដឹកនាំអ៊ុយក្រែនលោកហ្សេលែនស្គីបានផ្ទុះឡើងក្នុងការិយាល័យលោកដូណាល់ត្រាំក្នុងកិច្ចប្រជុំកិច្ចព្រមព្រៀងរ៉ែកម្រអ៊ុយក្រែន ក្នុងជំនួបក្តៅគគុកជាង ៤០នាទី ដូណាល់ត្រាំបានចាត់ទុកលោកហ្សេលែនស្គីកំពុងតែលេងល្បែងសង្រ្គាមលោកលើកទី៣ និងព្រមានថាអ៊ុយក្រែននឹងខ្ទិចត្រឹមតែ២សប្តាហ៍តែប៉ុណ្ណោះប្រសិនបើគ្មានជំនួយអាម៉េរិកចាប់តាំងពីសង្រ្គាមបានផ្ទុះ៕