.png?1741682398)
បន្ទាយមានជ័យ៖ សមត្ថកិច្ចនគរបាល ខេត្តបន្ទាយមានជ័យ សហការជាមួយស្នងការដ្ឋាននគរបាលរាជធានីភ្នំពេញ នៅយប់ថ្ងៃទី ១៤ កុម្ភៈនេះ បានបង្ក្រាបបានហើយនូវ ខ្មាន់កាំភ្លើងជនជាតិចិនមួយក្រុម ប្រដាប់ដោយអាវុធវែង AK បានធ្វើសកម្មភាពបាញ់ចំនួន៣គ្រាប់ នៅអគារមជ្ឈមណ្ឌលរតនៈសម្បត្តិ ដែលមានទីតាំងទល់មុខអាកាសយានដ្ឋានអន្ដរជាតិភ្នំពេញ ស្ថិតក្នុងសង្កាត់កាកាប១ ខណ្ឌពោធិ៍សែនជ័យ នារសៀលថ្ងៃទី១៤ ខែកុម្ភៈ។
យោងតាមប្រភពដែលស៊ីស៊ីថាមស៍ទទួលបាន ប៉ូលីសកម្ពុជាបាន ឃាត់ខ្លួនជនដៃដល់ជនជាតិចិន ៣នាក់ ខ្មែរ១នាក់ នៅចំណុច ភូមិកូនដំរី សង្កាត់ និម្មិត ក្រុង ប៉ោយប៉ែត ខេត្តបន្ទាយមានជ័យ។ជនដៃដល់ទាំងនេះពាក់ព័ន្ធធ្វើសកម្មភាពយកកាំ ភ្លើងយ៉ាងអនាធិបតេយ្យ AK47 ទៅបាញ់គំរាមគូរទំនាស់នៅមជ្ឈមណ្ឌលរតនៈសម្បត្តិ នៅរសៀលថ្ងៃទី១៤ កុម្ភៈ ២០២៥ នៅភ្នំពេញ។បច្ចុប្បន្នសមត្ថកិច្ចនគរបាលខេត្តបន្ទាយមានជ័យ កំពុងរៀបចំឯកសារប្រគល់ជនសង្ស័យទាំងនេះ មកស្នងការដ្ឋាននគរបាលរាជធានីភ្នំពេញ។
គួរបញ្ជាក់ថា ការធ្វើសកម្មភាពបាញ់យ៉ាងអនាធិបតេយ្យនេះ ត្រូបាន លោក វ៉ាង វិនប៊ីន (Wang Wenbin) ឯកអគ្គរដ្ឋទូតចិនប្រចាំប្រទេសកម្ពុជា បានបង្ហោះសារថ្កោលទោសចំពោះហេតុការណ៍បាញ់ប្រហារដែលបង្កដោយជនជាតិចិននេះ និង គាំទ្រសមត្ថកិច្ចផ្ដន្ទាទោសឲ្យធ្ងន់ធ្ងរដល់ជនល្មើស៕
.jpg?1739544211)
