ភ្នំពេញ៖ សម្តេច ហ៊ុន សែន នាយករដ្ឋមន្ត្រីកម្ពុជា នៅល្ងាចថ្ងៃទី ៦ កុម្ភៈនេះ បានប្រកាសបញ្ជាក់ជាសាធារណថា រាជរដ្ឋាភិបាលមិនមានគម្រោងផ្លាស់ប្តូររដ្ឋមន្ត្រីថ្មីតាមក្រសួងមួយចំនួន ដូចពាក្យចចាមអារ៉ាមថ្មីៗនេះនោះទេ ហើយបានទទូចស្នើសុំឱ្យមន្រ្តីធ្វើការដោយស្ងប់ចិត្ត។ការថ្លែងយ៉ាងដូច្នេះ គឺធ្វើឡើងក្នុងពេលសម្តេចអញ្ជើញបិទសន្និបាតបូកសរុបការងាររយៈពេល៥ឆ្នាំ និងលើកទិសដៅបន្តរបស់ក្រសួងប្រៃសនីយ៍ និងទូរគមនាគមន៍។
នៅចំពោះមុខរដ្ឋមន្ត្រីទាំងអស់សម្តេច ហ៊ុន ម៉ាណែត បានគូសបញ្ជាក់ចំៗថា ការស្នើសុំតែងតាំផ្លាស់ប្តូរ រដ្ឋមន្ត្រី ឬសមាជិករាជរដ្ឋាភិបាល គឺជាសិទ្ធិរបស់មនុស្សនាយករដ្ឋមន្ត្រី ហើយប្រសិនបើរឿងនេះ នាយករដ្ឋមន្ត្រីអត់បានដឹងផងដូច្នេះសូមកុំមានក្តីបារម្ភថា មានរដ្ឋមន្ត្រីថ្មីនឹងមានការផ្លាស់ប្តូរ។
សម្តេចនាយករដ្ឋមន្ត្រី បានស្នើឱ្យមន្ត្រីតាមក្រសួងខិតខំធ្វើការងាររបស់ខ្លួន កុំរង់ចាំអ៊ុតចាំមេថ្មី ហើយប្រយ័ត្នតែចាំអ៊ុតមេថ្មីភ្លេចធ្វើការងាររដ្ឋមន្ត្រីនឹងប្តូរខ្លួនឯងចេញ។
សម្តេច ហ៊ុន ម៉ាណែត បានថ្លែងយ៉ាងដូច្នេះថា "សូមកុំគិត កុំព្រួយបារម្ភរឿងការងាររបស់ខ្ញុំ ទុកឱ្យខ្ញុំរវល់វិញ មន្ត្រីនៅគ្រប់ស្ថាប័នត្រូវយកចិត្តទុកដាក់តែលើការងាររបស់ខ្លួនធ្វើឱ្យបានល្អទៅ ប្រយ័ត្នរដ្ឋមន្ត្រីប្តូរ"
