.png?1741682398)
ម៉ាឡេស៊ី៖នាយករដ្ឋមន្ត្រីម៉ាឡេស៊ី លោក Anwar Ibrahim នៅថ្ងៃទី ២ កុម្ភៈម្សិលមិញ បានជួបពិភាក្សាការងារក្រៅផ្លូវការជាមួយអតីតនាយករដ្ឋមន្ត្រីដ៏មានឥទ្ធិពលរបស់ប្រទេសថៃ គឺលោក Thaksin Shinawatra។ ជាជំនួបពិភាក្សាពីបញ្ហាជាច្រើន បូករួមទាំងស្ថានការណ៍នៅក្នុងប្រទេសមីយ៉ាន់ម៉ា។
យោងតាមបណ្តាញសង្គមផ្លូវការ លោក Anwar Ibrahim បានសរសេរយ៉ាងដូច្នេះថា "កិច្ចប្រជុំដ៏ស្វិតស្វាញជាមួយអតីតនាយករដ្ឋមន្ត្រីថៃ លោក Thaksin Shinawatra ដែលជាប្រធានក្រុមប្រឹក្សាក្រៅផ្លូវការ យើងបានពិភាក្សាអំពីបញ្ហាសំខាន់ៗជាច្រើនរួមមានស្ថានភាពនៅមីយ៉ាន់ម៉ា និងស្ថានភាពនៃការអភិវឌ្ឍរូបិយប័ណ្ណគ្រីបតូជាដើម។ ក្រោយមក កំឡុងអាហារពេលល្ងាច យើងបានបន្តការសន្ទនាជាមួយអតីតរដ្ឋមន្ត្រីការបរទេសសិង្ហបុរីលោក George Yeo ។
គួរបញ្ជាក់ថា លោក Anwar នាយករដ្ឋមន្ត្រីម៉ាឡេស៊ី ចូលកាន់តំណែងជាប្រធានអាស៊ាន ឆ្នាំ២០២៥ ជាផ្លូវការ នៅថ្ងៃទី១ ខែមករា ឆ្នាំនេះ ជាលើកទី៥ ចាប់តាំងពីបង្កើតអាស៊ានក្នុងឆ្នាំ១៩៦៧។ម៉ាឡេស៊ីធ្លាប់ជាប្រធានអាស៊ានក្នុងឆ្នាំ ១៩៧៧ ១៩៩៧ ឆ្នាំ ២០០៥ និង ឆ្នាំ ២០១៥។កាលពីថ្ងៃទី១៦ ខែធ្នូ ឆ្នាំមុន លោក Anwar អំពីការតែងតាំងអតីតនាយករដ្ឋមន្រ្តីថៃ គឺលោក Thaksin Shinawatra ជាទីប្រឹក្សាផ្ទាល់ខ្លួនរបស់លោក៕
.png?1744178821)
