ភ្នំពេញ៖ ក្រុមតារាកូរ៉េ Super Junior និងសិល្បៈករ សិល្បៈការនីល្បីៗ K-POP របស់កូរ៉េខាងត្បូង នឹងចូលរួមសម្តែងក្នុងព្រឹត្តិការណ៍«ការប្រគំតន្រ្តីសប្បុរសធម៌ចែករំលែកសង្រ្គោះជីវិតសកល» នៅចន្លោះខែឧសភា ខែតុលា ឆ្នាំ២០២៥ នៅរាជធានីភ្នំពេញ។
តាមរយះជំនួបពិភាក្សារវាងលោកហួត ហាក់ រដ្ឋមន្ត្រីក្រសួងទេសចរណ៍ ជាមួយលោក ម៉ម ប៊ុននាង ប្រធានគណៈកម្មការអង្កេត បោសសម្អាត និងប្រឆាំងអំពើពុករលួយនៃព្រឹទ្ធសភា និងលោក KIM YONG HWAN នាយកមូលនិធិចែករំលែកសង្គ្រោះជីវិតសកល នាថ្ងៃទី១៦ ខែមករា ឆ្នាំ២០២៥។ ព្រឹត្តិការណ៍«ការប្រគំតន្រ្តីសប្បុរសធម៌ចែករំលែកសង្រ្គោះជីវិតសកល» នឹងមានការចូលរួមសម្តែងដោយក្រុមតារាកូរ៉េ Super Junior និងសិល្បៈករ សិល្បៈការនីល្បីៗ K-POP របស់កូរ៉េខាងត្បូង គ្រោងនឹងប្រព្រឹត្តទៅនៅចន្លោះខែឧសភា-ខែតុលា ឆ្នាំ២០២៥ នៅរាជធានីភ្នំពេញ។
ព្រឹត្តិការណ៍នេះ នឹងបន្តផ្សព្វផ្សាយទៅដល់ ៥ប្រទេសរួមមាន ប្រទេសកម្ពុជា, កូរ៉េ, ជប៉ុន, ហ្វីលីពីន និងចិន ដើម្បីផ្សព្វផ្សាយដល់ការចូលរួមចំណែករវាងសិល្បៈករ សិល្បៈការនីកម្ពុជា-កូរ៉េ ក្នុងការសម្រេចគោលដៅរួមគ្នាប្រមូលមូលនិធិសប្បុរសធម៌ជួយគាំទ្រដល់មន្ទីរពេទ្យ និងគ្រឹះស្ថានអប់រំនានា រួមទាំងជួយផ្សព្វផ្សាយវិស័យទេសចរណ៍នៅកម្ពុជាផងដែរ៕
.jpg?1737011906)
