ចិនសាងសង់«កប៉ាល់ទេសចរណ៍យក្ស»ផ្ទុកមនុស្សបាន៥,២៣២នាក់

ចិន៖ ក្រុមហ៊ុនសាងសង់កប៉ាល់ទេសចរណ៍ខ្នាតយក្សរបស់ចិនទី២ដែលមានឈ្មោះ Adora Flora City កំពុងតែមមាញឹកក្នុងការសិក្សា និងបញ្ចប់គម្រោងសាងសង់កប៉ាល់យក្សដឹកអ្នកទេសចរណ៍ Adora Flora City មានប្រវែង ៣៤១ម៉ែត្រ ដែលកប៉ាល់យក្សនេះមានសម្ថភាពផ្ទុកមនុស្សបានដល់ទៅ ៥២៣២នាក់។ គម្រោងកប៉ាល់ទេសចរណ៍យក្សចិននេះគ្រោងនិងបញ្ចប់ និងដាក់ដំណើរការក្នុងឆ្នាំ ២០២៦។

តាមអ្នកជំនាញសាងសង់កប៉ាល់ខ្នាតយក្សទី២នេះបានអះអាងថាបើប្រៀបធៀបកប៉ាល់ថ្មីទៅនឹងកប៉ាល់ជំនាន់មុនដែលមានឈ្មោះថា Adora Magic City បរិមាណសរុបនៃកប៉ាល់ទេសចរណ៍ថ្មីនឹងកើនឡើង ៦,៤០០ តោន ឡើងដល់ ១៤១,៩០០ ដោយម៉ូតថ្មីនេះមានប្រវែងដល់ទៅ ៣៤១ម៉ែត្រ។

កប៉ាល់ទេសចរណ៍នេះនឹងមានបន្ទប់ភ្ញៀវចំនួន ២,១៤៤ ហើយអាចផ្ទុកភ្ញៀវបានចំនួន ៥,២៣២ នាក់ ហើយមានកន្លែងស្នាក់នៅ និងកន្លែងកម្សាន្តចំនួន ១៦ ជាន់ផងដែរ។

គិតត្រឹមថ្ងៃទី ១ ខែមករា ឆ្នាំ ២០២៥ កប៉ាល់ខ្នាតយក្សដំបូង Adora Magic City បានដំណើរការពាណិជ្ជកម្មពេញមួយឆ្នាំ ដោយដឹកភ្ញៀវក្នុងស្រុក និងអន្តរជាតិជាង ៦០ម៉ឺននាក់ និងបានបញ្ចប់ការធ្វើដំណើរទៅមកចំនួន ៨៤ដង ពីទីក្រុងសៀងហៃទៅកាន់ប្រទេសជប៉ុន និងកូរ៉េខាងត្បូង។ កប៉ាល់ខ្នាតយក្សធំទី២ Adora Flora City ត្រូវបានគេរំពឹងថានឹងចេញដំណើរនៅកំពង់ផែ Nansha ក្នុងទីក្រុង Guangzhou នៃខេត្ត Guangdong ភាគខាងត្បូងប្រទេសចិន នៅចុងឆ្នាំ ២០២៦៕