អាម៉េរិក៖ លោកឧត្តមនាវីឯក Samuel J. Paparo មេបញ្ជាការនៃបញ្ជាការដ្ឋានឥណ្ឌូប៉ាស៊ីហ្វិក នៃសហរដ្ឋអាម៉េរិក ជាអគ្គមេបញ្ជាការផ្កាយ៤នៃទ័ពជើងទឹកអាម៉េរិក។លោកទើបតែបញ្ចប់ដំណើរទស្សនកិច្ចនៅកម្ពុជា ជាមួយនាវាចម្បាំងអាម៉េរិក និង នាវិក ជាង១០០នាក់។ជាដំណើរទស្សនកិច្ចមកកម្ពុជា ក្រោយខកខានអស់រយៈពេល ៨ ឆ្នាំ។ តើ មេបញ្ជាការនៃបញ្ជាការដ្ឋានឥណ្ឌូប៉ាស៊ីហ្វិក អាម៉េរិក លោក Samuel J. Paparo ជានណា?
កើតនៅថ្ងៃទី ១៨ ខែវិច្ឆិកាឆ្នាំ ១៩៦៤ លោកឧត្តមនាវីឯក Samuel J. Paparo បច្ចុប្បន្នមានវ័យ ៦០ឆ្នាំ មានដើមកំណើតនៅទីក្រុង Morton រដ្ឋ Pennsylvania និង បានបញ្ចប់ការសិក្សាពីសកលវិទ្យាល័យ Villanova ហើយត្រូវបានតែងតាំងនៅឆ្នាំ ១៩៨៧ ។
លោក គឺជាកូនប្រុសរបស់អតីតទាហានម៉ារីន និង ជាចៅប្រុសរបស់ទាហានជើងទឹកក្នុងសង្គ្រាមលោកលើកទី ២ ។ លោក បានទទួលសញ្ញាប័ត្រអនុបណ្ឌិតផ្នែកសិក្សាទំនាក់ទំនងអន្តរជាតិពីសាកលវិទ្យាល័យ Old Dominion និង អនុបណ្ឌិតវិទ្យាសាស្ត្រផ្នែកការវិភាគប្រព័ន្ធពីសាលាក្រោយឧត្តមសិក្សាកងទ័ពជើងទឹកអាម៉េរិក។ លោកក៏ជាអាកាសយានិកកងទ័ពជើងទឹកអាម៉េរិកម្នាក់ ដែលបញ្ចប់ការសិក្សា និង ជានាយទាហាន TOPGUN លោកធ្លាប់បើក និង ចុះចតយន្តហោះចម្បាំងប្រភេទ F-14, F-15 រហូតដល់ទៅ ៦០០០ ម៉ោង។
លោកឧត្តមនាវីឯក Samuel J. Paparo ធ្លាប់បញ្ជាការ កងទ័ពអាកាសសហរដ្ឋអាម៉េរិក ក្នុងការហោះហើរយន្តហោះ F-15C Eagle ជាមួយកងនាវាចម្បាំងទី ៧១ និង ដាក់ពង្រាយជាច្រើនគ្រឿងទៅកាន់ប្រទេស អារ៉ាប៊ីសាអូឌីត និង ប្រទេសអ៊ីស្លង់ និង បានចូលកាន់តំណែងជាមេបញ្ជាការបញ្ជាការដ្ឋានឥណ្ឌូប៉ាស៊ីហ្វិករបស់សហរដ្ឋអាម៉េរិក នៅខែឧសភា ឆ្នាំ ២០២៤ ។
លោកគឺជាមេបញ្ជាការទី ២៧ នៃបញ្ជាការប្រយុទ្ធចំណាស់ជាងគេ និង ធំបំផុតរបស់ប្រទេសអាម៉េរិក។ នៅក្នុងតំបន់ប៉ាស៊ីហ្វិក លោកកាន់កាប់រួមមានទាហានចំនួន ៣៨០,០០០ នាក់ មានទាហានជើងទឹក និង ទ័ពអាកាស លោកទទួលខុសត្រូវ ចំពោះសកម្មភាពយោធារបស់សហរដ្ឋអាម៉េរិកទាំងស្រុង នៅក្នុងតំបន់ឥណ្ឌូប៉ាស៊ីហ្វិក ដែលគ្របដណ្តប់ប្រទេសចំនួន ៣៦ មាន ៦០ ភាគរយនៃចំនួនប្រជាជនក្នុងពិភពលោកទាំងមូល៕
.PNG?1734342143)
