ដូណាល់ត្រាំអញ្ជើញលោកស៊ីចូលរួម«ពិធីស្បថ»ចូលកាន់តំណែងក្នុងខែមករា

អាម៉េរិក៖ ប្រធានាធិបតីជាប់ឆ្នោតថ្មីលោក ដូណាល់ត្រាំ តាមសេចក្តីរាយការណ៍បានអញ្ជើញប្រធានាធិបតីចិន Xi Jinping ទៅចូលរួមពិធីស្បថចូលកាន់តំណែងជាប្រធានាធិបតីអាម៉េរិកទី ៤៧ ដែលនឹងប្រារព្ធឡើងនៅទីក្រុង Washington, នៅខែក្រោយ។ ប្រព័ន្ធផ្សព្វផ្សាយអាម៉េរិក CBS News បានរាយការណ៍កាលពីថ្ងៃពុធថា ការអញ្ជើញនេះត្រូវបានធ្វើឡើងនៅដើមខែវិច្ឆិកា ភ្លាមៗបន្ទាប់ពីថ្ងៃបោះឆ្នោតរបស់លោក Trump ឈ្នះអនុប្រធានាធិបតី Kamala Harris គេមិនទាន់ច្បាស់នៅឡើយទេថាលោកប្រធានាធិបតីចិនស៊ីជិនភីងនឹងទទួលយកសំណើរអញ្ចើញរឺអត់។

ជាការឆ្លើយតបស្ថានទូតចិនមិនបានឆ្លើយតបភ្លាមៗចំពោះសំណើសុំការអត្ថាធិប្បាយរបស់កាសែតអាម៉េរិកនៅឡើយនោះទេ។ អ្នកនាំពាក្យពាក្យលោកត្រាំមិនបញ្ជាក់ឬបដិសេធរបាយការណ៍នៃការលេចមុខជាប្រវត្តិសាស្ត្ររបស់លោក ស៊ី នៅឯពិធីស្បថចូលកាន់តំណែងនៅថ្ងៃទី ២០ ខែមករាខាងមុខនៅឡើយ។

យោងតាមកំណត់ត្រារបស់ក្រសួងការបរទេសចាប់តាំងពីឆ្នាំ ១៨៧៤មកបង្ហាញថា គ្មានមេដឹកនាំបរទេសណាម្នាក់ធ្លាប់ចូលរួមក្នុងពិធីចូលកាន់តំណែងប្រធានាធិបតីអាម៉េរិកនោះទេ។ គួរបញ្ជាក់ថាលោកដូណាល់ត្រាំបានផ្តួលលោកស្រីហារីសក្នុងការបោះឆ្នោតជ្រើសរើសប្រធានាធិបតីទី៤៧ ដោយលោកទទួលបាន សំឡេងអង្គបោះឆ្នោតរហូតដល់ ២៧៧សំលេងច្រើនជាងលោក លោកស្រី កាម៉ាឡា ហារីសដោយលោកស្រីទទួលបានត្រឹម ២២៦សំឡេង។ លោក ដូណាល់ ត្រាំ វ័យ៧៨ឆ្នាំ ហើយធ្លាប់ត្រូវបានគេលួចធ្វើឃាតពីរដងមុនក្លាយជាប្រធានាធិបតីទី៤៧របស់សហរដ្ឋអាម៉េរិក៕