ធនាគារARDBអបអរសម្ដេច ហ៊ុន ម៉ាណែត ក្នុងឱកាសទទួលបានពានរង្វាន់ "ភាពជាអ្នកដឹកនាំឆ្នើមពិភពលោក" ពីវិទ្យាស្ថានយុទ្ធសាស្ត្រសម្រាប់តំបន់អាស៊ី-ប៉ាស៊ីហ្វិក (KSI)

ភ្នំពេញ៖ ធនាគារអភិវឌ្ឍន៍ជនបទ និងកសិកម្ម(ARDB) ចេញសារលិខិតអបអរសាទរ និងជូនពរ សម្ដេចម ហ៊ុន ម៉ាណែត ក្នុងឱកាសទទួលបានពានរង្វាន់ "ភាពជាអ្នកដឹកនាំឆ្នើមពិភពលោក" ពីវិទ្យាស្ថានយុទ្ធសាស្ត្រសម្រាប់តំបន់អាស៊ី-ប៉ាស៊ីហ្វិក (KSI) នាថ្ងៃទី២៦ ខែវិច្ឆិកា ឆ្នាំ២០២៤។

ធនាគារ ARDB បានលើកឡើងថា ការទទួលបានពានរង្វាន់ ភាពជាអ្នកដឹកនាំឆ្នើមពិភពលោក ដ៏ឧត្តុង្គឧត្តមនេះ គឺពិតជាស័ក្តិសមបំផុតចំពោះ សម្តេច ហ៊ុន ម៉ាណែត ដែលជាថ្នាក់ដឹកនាំបន្តវេនវ័យក្មេង ប្រកបដោយសមត្ថភាព បន្តប្ដេជ្ញាចិត្តយ៉ាងមុតមាំក្នុងការកសាងនីតិរដ្ឋ លទ្ធិប្រជាធិបតេយ្យ ពង្រឹងខឿនសេដ្ឋកិច្ចជាតិ សេវាសង្គម និងការអភិវឌ្ឍលើគ្រប់វិស័យ តាមរយៈការអនុវត្តតាមស្មារតីបុរេសកម្ម និងមុតស្រួចនូវយុទ្ធសាស្ត្របញ្ចកោណគ្រប់ដំណាក់កាល ក្នុងបុព្វហេតុបម្រើជាតិ និងប្រជាជនកម្ពុជា និងការបន្តថែទាំសន្តិភាព ស្ថិរភាពនយោបាយ ប្រកបដោយប្រសិទ្ធភាព។