រុស្ស៊ី៖ រុស្ស៊ីបានធ្វើការព្រមានចំៗទៅកាន់ប្រទេសអ៊ុយក្រែនថាខ្លួននឹងធ្វើការបាញ់មីស៊ីលឆ្លងទ្វីបខ្នាតធំ RS-26 ចូលកណ្តាលទីក្រុងគៀវជាការឆ្លើយតបទៅកាន់អ៊ុយក្រែនវិញក្រោយពីប្រទេសអ៊ុយក្រែនបានធ្វើការបាញ់មីស៊ីល ATACMS ជាជំនួយអាម៉េរិក និងមីស៊ីល Storm Shadow ជាជំនួយរបស់អង់គ្លេសចូលក្នុងប្រទេសរុស្ស៊ី។ នេះបើយោងតាមការចេញផ្សាយដោយសារព័ត៌មាន The Telegraph។
តាមរយៈការចេញផ្សាយរបស់ The Telegraph បានអះអាងថាកងកម្លាំងពិសេសៗរបស់រុស្ស៊ីកំពុងតែរៀបចំអាវុធធន់ធ្ងន់វាយប្រហារចូលកណ្តាលទីក្រុងគៀវនៃប្រទេសអ៊ុយក្រែនជាការសងសឹងដែលអ៊ុយក្រែនបានសម្រេចប្រើប្រាស់មីស៊ីលដែលផលិតដោយក្រុមលោកខាងលិចវាយចូលក្នុងប្រទេសរុស្ស៊ីកាលពីយប់ថ្ងៃអង្គារ និងយប់ថ្ងៃពុធ។
មុនការព្រមានរបស់រុស្ស៊ីបណ្តាប្រទេសលោកខាងលិច រួមទាំងសហរដ្ឋអាម៉េរិកបានបិទស្ថានទូតរបស់ខ្លួនចោលជាបណ្តោះអាសន្នក្នុងប្រទេសអ៊ុយក្រែន ក្រោយបានលេចលឺព័ត៌មានថារុស្ស៊ីនឹងធ្វើការវាយចូលអ៊ុយក្រែនទ្រង់ទ្រាយធំមិនធ្លាប់មាន បណ្តាលប្រទេសលោកខាងលិចមួយចំនួនបានចាត់ទុកការសម្រេចប្រើមីស៊ីលលោកខាងលិចចូលរុស្ស៊ីគឺជាការសម្រេចចិត្តខុសរបស់អ៊ុយក្រែន នឹងអាចនាំឲ្យសង្គ្រាមរីកកាន់តែធំនៅទូទាំងសកលលោក៕
