អាម៉េរិក៖ ស្ថានទូតអាម៉េរិកនៅទីក្រុងកៀវនៃប្រទេសអ៊ុយក្រែនត្រូវបានបិតជាបណ្តោះអាសន្នក្រោយលេចធ្លាយព័ត៌មានថារុស្ស៊ីនឹងបើកការវាយប្រហារទ្រង់ទ្រាយធំលើអ៊ុយក្រែនជាការសងសឹកដែលអ៊ុយក្រែនបានប្រើមីស៊ីលរយៈចម្ងាយឆ្ងាយរបស់អាម៉េរិកវាយចូលទឹកដីរុស្ស៊ីកាលពីយប់ថ្ងៃអង្គារ។នេះបើយោងតាមសេចក្ដីថ្លែងការណ៍របស់នាយកដ្ឋានកិច្ចការកុងស៊ុលសហរដ្ឋអាម៉េរិកប្រចាំប្រទេសអ៊ុយក្រែនបានចេញផ្សាយនៅរសៀលថ្ងៃពុធនេះ។
នាយកដ្ឋានកិច្ចការកុងស៊ុលសហរដ្ឋអាម៉េរិកក៏បានណែនាំឱ្យពលរដ្ឋអាម៉េរិកត្រៀមលក្ខណៈនិងធ្វើការស្វែងរកកន្លែងជ្រកកោនដែលមានសុវត្ថិភាពជាបន្ទាន់៕
