សៀមរាប៖ កម្មវិធីរត់ប្រណាំងឡើងភ្នំគូលែន បានរៀបចំឡើងនាព្រឹកថ្ងៃទី២៧ ខែតុលា ឆ្នាំ២០២៤ ដោយមានមនុស្សចូលរួមប្រមាណ៣០០នាក់ ដើម្បីស្វែងរកមូលនិធិជួយមន្ទីរពេទ្យកុមារអង្គរ។
កម្មវិធីរត់ប្រណាំងឡើងភ្នំគូលែន បានចូលរួមដោយមនុស្សប្រមាណ៣០០នាក់ បានរៀបចំឡើងនាព្រឹកថ្ងៃទី២៧ ខែតុលា ឆ្នាំ២០២៤។ កម្មវិធីនេះ ចាប់ផ្តើមដំបូងនូវទីតាំងតំបន់ឧទ្យានុរក្សកេសគោល ដោយមានការរត់ចាប់ពី ៨គីឡូម៉ែត្រ ១៥គីឡូម៉ែត្រ និង ២៥គីឡូម៉ែត្រ។ កម្មវិធីបានរៀបចំឡើងដើម្បីបរិស្ថាន វិស័យទេសចរណ៍ និងដើម្បីស្វែងរកមូលនិធិជួយដល់មន្ទីរពេទ្យកុមារអង្គរ ដែលជួយគាំទ្រដល់ការពិនិត្យ ព្យាបាល និងថែទាំងសុខភាពកុមារកម្ពុជា នៅមន្ទីរពេទ្យកុមារអង្គរខេត្តសៀមរាប។
កម្មវិធីរត់ប្រណាំងឡើងភ្នំគូលែន មិនត្រឹមតែជួយដល់សុខភាពប៉ុណ្ណោះទេ ប៉ុន្តែបានជួយដល់ការព្យាបាល និងការពារអាយុជីវិតកុមារកម្ពុជាផងដែរ៕
