ភ្នំពេញ៖ កម្មវិធី«មហោស្រពមុខវិជ្ជា និងការងារមេគង្គ ឆ្នាំ២០២៤» ផ្តល់ឱកាសដល់យុវជន និងនិស្សិត អាចស្វែងយល់ចំណេះដឹងថ្មីៗ ការតាំងពិព័រណ៍ និងឱកាសការងារ ៣០០០កន្លែង។ កម្មវីធីនេះ នឹងប្រព្រឹត្តទៅថ្ងៃទី ២៥-២៧ ខែតុលា ឆ្នាំ២០២៤ ស្ថិតនៅផ្សារទំនើប ជីបម៉ុង ២៧១ មេហ្គាម៉ល។
កម្មវិធី«មហោស្រពមុខវិជ្ជា និងការងារមេគង្គ ឆ្នាំ២០២៤» (Mekong Major & Career Fest 2024) ក្រោមប្រធានបទ "ទេពកោសល្យ និងចំណូលចិត្តការងារក្នុងសម័យបច្ចេកវិទ្យា" នឹងរៀបចំឡើងទៅថ្ងៃទី ២៥-២៧ ខែតុលា ឆ្នាំ២០២៤ ស្ថិតនៅផ្សារទំនើប ជីបម៉ុង ២៧១ មេហ្គាម៉ល។ កម្មវិធី នឹងផ្តល់ជូនយុវជន និងនិស្សិតនូវការប្រឹក្សា និងធ្វើទេពកោសល្យដោយឥតគិតថ្លៃ សន្ទរកថានាយកប្រតិបត្តិ ការតាំងពិព័រណ៍ និងការសម្ភាសដោយផ្ទាល់ ពី៦០ក្រុមហ៊ុន ដែលផ្តល់ឱកាសការងារ ៣០០០កន្លែងផងដែរ។
មហោស្រពមុខវិជ្ជា និងការងារមេគង្គ ឆ្នាំ២០២៤ មិនត្រឹមតែផ្តល់ឱកាសការងារប៉ុណ្ណោះទេ ប៉ុន្តែជួយយុវជន និងនិស្សិតស្វែងយល់ពីទេពកោសល្យ និងចំណង់ចំណូលចិត្តខ្លួនឯងទៀតផង៕
