អ៊ីស្រាអែល៖ ផ្ទះឯកជនមួយកន្លែងរបស់ប្រធានាធិបតីអ៊ីស្រាអែលលោក Benjamin Netanyahu បានរងការវាយប្រហារដោយយន្តហោះដ្រូនរបស់ក្រុម Hezbollah ។ ផ្ទះរបស់លោក Netanyahu ក្នុងតំបន់ Casearea បានរងការវាយប្រហារដោយយន្តហោះដ្រូនមួយគ្រឿងកាលពីល្ងាចថ្ងៃសៅរ៍ដោយការវាយប្រហារនោះបានបណ្តាលឲ្យផ្ទះលោករងការខូចខាត ហើយមិនមាននរណាម្នាក់រងរបួសឡើយ។
ក្នុងសាររបស់លោក Benjamin Netanyahu ផ្សព្វផ្សាយក្នុងបណ្តាញសង្គម X ការប៉ុនប៉ងធ្វើឃាតរូបលោក និងភរិយាលោករបស់ក្រុមអ៊ីរ៉ង់ និង Hezbollah គឺជាការសម្រេចចិត្តដ៏ខុសធ្ងន់ធ្ងរមួយ លោកអះអាងទៀតថាដ្រូនមួយបានហោះទៅលំនៅដ្ឋានរបស់លោកកាលពីថ្ងៃសៅរ៍ក្នុងទីក្រុងឆ្នេរសមុទ្រភាគខាងជើងនៃ Caesarea ដោយលំនៅដ្ឋាននោះពុំមានវត្តមានលោក និងភរិយារបស់លោកឡើយ។
យោធាអ៊ីស្រាអែលអះអាងថាយន្តហោះគ្មានមនុស្សបើកបីគ្រឿងត្រូវបានបាញ់ចេញពីប្រទេសលីបង់ ដោយមួយគ្រឿងបានបុកអគារមួយក្នុងទីក្រុង Caesarea ដោយក្នុង ៣គ្រឿងនោះអ៊ីស្រាអែលបានបាញ់ទម្លាក់ពីរគ្រឿងនិងមួយគ្រឿងទៀតបានចូលលំនៅដ្ឋានលោកប្រធានាធិបតី៕
