ថៃ៖ ព្រលានយន្តហោះថ្មីរបស់ប្រទេសថៃ ដែលមានឈ្មោះថា អ៊ូតាប៉ាវ (U-Tapao) កំពុងជំរុញដំណើរការសាងសង់ ព្រលានថ្មីនេះ គ្របដណ្តប់លើផ្ទៃដី ១០៤០ហិកតា នឹងមានផ្លូវរត់ប្រវែង ៣,៥ គីឡូម៉ែត្រចំនួនពីរ កន្លែងដាក់យន្តហោះចំនួន ១២៤ និង ស្ថានីយដែលមានសមត្ថភាពផ្ទុកអ្នកដំណើរជាង ៦០ លាននាក់ក្នុងមួយឆ្នាំ។ ព្រលាននេះ ថៃរំពឹងថា នឹងជួយទាក់ទាញភ្ញៀវទេសចរ និង បង្កើតជាតំបន់ពាណិជ្ជកម្ម វិនិយាគបន្ថែម។
គម្រោងព្រលានយន្តហោះថ្មីនេះ ថៃរៀបចំឱ្យមាននូវ តំបន់ពាណិជ្ជកម្ម និង ការកម្សាន្តទំហំ ១៦០ហិកតា ត្រូវសាងសង់ រួមទាំងផ្សារទំនើបប្រណីត ហាងទំនិញគ្មានពន្ធ សណ្ឋាគារ មជ្ឈមណ្ឌលពាណិជ្ជកម្ម មជ្ឈមណ្ឌលវេជ្ជសាស្ត្រ និងផ្លូវសម្រាប់ប្រណាំងរថយន្ត Formula 1។ គម្រោងនេះបានទាក់ទាញចំណាប់អារម្មណ៍ពីវិនិយោគិនបរទេសដូចជាសណ្ឋគារ MGM Resorts និង សណ្ឋគារលំដាប់ផ្កាយ ៥ Wynn Macau ជាដើម។
សំណង់ត្រូវបានគេរំពឹងថា នឹងចាប់ផ្តើមនៅឆ្នាំ ២០២៥ នឹងបើកសម្ពោធនៅឆ្នាំ ២០៣១។ ព្រលានថ្មីអ៊ូតាប៉ាវ បានត្រៀមខ្លួនក្លាយជាមជ្ឈមណ្ឌលកណ្តាល សម្រាប់ទេសចរណ៍ និង អាជីវកម្មសកលដែលនិងជំរុញវិស័យសេដ្ឋកិច្ចថៃឲ្យកាន់តែរីកចម្រើន៕
