ភ្នំពេញ៖ ក្រសួងការបរទេសស៊ុយអែត បានចេញសេចក្តីជូនដំណឹងស្តីពីការសម្រេចចិត្តបិទ ការបិទការិយាល័យស្ថានទូតស៊ុយអែត (Sweden Section Office) នៅរាជធានីភ្នំពេញ ដោយសារការប្រែប្រួលបរិបទសង្គ្រាមអន្តរជាតិ ជាពិសេស បន្ទាប់ពីការផ្ទុះសង្គ្រាមរុស្ស៊ី-អ៊ុយក្រែន។តែជាមួយការសម្រេចចិត្តបិទ កម្ពុជាទទួលបានការបើក«ការិយាល័យ»អន្តរជាតិចំនួន៣ថ្មីបន្ថែមផងដែរ។
ការសម្រេចបិទការិយាល័យស្ថានទូតនៅភ្នំពេញ ក្រសួងការបរទេសស៊ុយអែត ពន្យល់ថា ការរៀបចំឡើងវិញ នូវចំណុចអាទិភាព (Reprioritizations) ដោយសារត្រូវផ្តល់អាទិភាពលើការអភិវឌ្ឍន៍ សេដ្ឋកិច្ច សន្តិភាព និងសន្តិសុខ នៅតំបន់ជិតខាងខ្លួន ដើម្បីឆ្លើយតបនឹងការប្រែប្រួលបរិបទពិភពលោក បន្ទាប់ពីការផ្ទុះសង្គ្រាមរុស្ស៊ី-អ៊ុយក្រែន។
អ្នកនាំពាក្យក្រសួងការបរទេសកម្ពុជា បានប្រកាសទាត់ចោល នូវរាល់ការប៉ុនប៉ងធ្វើការបកស្រាយ ករណីការបិទការិយាល័យស្ថានទូតស៊ុយអែត (Sweden Section Office) នៅរាជធានីភ្នំពេញ សម្រាប់បម្រើឱ្យគោលដៅនយោបាយ។
បើទោះបីមានការបិទការិយាល័យស្ថានទូតនៅភ្នំពេញ កម្ពុជាក៏ទទួលបាននូវ«ការិយាល័យស្ថានទូត និង ពាណិជ្ជកម្ម»មួយចំនួនបន្ថែមទៀត ក្នុងនោះមានជាអាទិ៍៖ ការិយាល័យស្ថានទូតទួរគី ការិយាល័យពាណិជ្ជកម្ម និង វិនិយោគរបស់ស្ថានទូតអូស្ត្រាលី និង ការិយាល័យកុងស៊ុលរបស់ប្រទេសកាណាដានៅខេត្តសៀមរាប ក្នុងខេត្តកុម្ភៈ ឆ្នាំ២០២៤៕
.png?1744178821)
.JPG?1747715993)
