សេអ៊ូល៖ កូរ៉េខាងត្បូង និងសហរដ្ឋអាម៉េរិក បានចាប់ផ្តើមសមយុទ្ធយោធារដូវក្តៅប្រចាំឆ្នាំរួមគ្នា នៅថ្ងៃចន្ទ ទី១៩ ខែសីហា នេះ សមយុទ្ធយោធាប្រចាំឆ្នាំរួមគ្នានេះធ្វើឡើងក្រោយពីប្រទេសទេសកូរ៉េខាងត្បូងរងការគំរាមកំហែងតាមអ៊ីនធឺណិតរបស់ប្រទេសកូរ៉េខាងជើង។ សមយុទ្ធរួមគ្នានេះមានឈ្មោះថា Ulchi Freedom Shield ដែលគ្រោងនឹងបញ្ចប់នៅថ្ងៃទី ២៩ ខែសីហា។
បើតាមយោធានៃប្រទេសទាំងពីរបានអះអាងថាសមយុទ្ធនេះធ្វើឡើងគឺដើម្បីឆ្លើយតបទៅកាន់ប្រទេសកូរ៉េខាងជើងវិញបន្ទាប់ពីមានការវាយប្រហារតាមអ៊ីនធឺណែត និងរងការព្រមានបាញ់មីស៊ីលរបស់ប្រទេសកូរ៉េខាងជើង។សមយុទ្ធនេះធ្វើឡើងក៏ដើម្បីពង្រឹងសម្ព័ន្ធមិត្តរវាងសហរដ្ឋអាម៉េរិក និងយោធាកូរ៉េខាងជើងត្បូងផងដែរ។
ប្រធានាធិបតីកូរ៉េខាងត្បូង Yoon Suk Yeol បានជំរុញឱ្យមានការត្រៀមខ្លួនយ៉ាងហ្មត់ចត់ប្រឆាំងនឹងការវាយប្រហារ រឺគំរាមគំហែងណាមួយពីប្រទេសកូរ៉េខាងជើង លោកក៏បានលើឧទាហរណ៍សង្រ្គាមរុស្សី-អ៊ុយក្រែនដែលកំពុងតែកើតមានឡើងឲ្យកងកម្លាំងត្រៀមខ្លួនជានិច្ច ដោយលោកបានបញ្ជាក់ថាការវាយប្រហាររបស់កូរ៉េខាងជើងអាចនិងកើតឡើងដោយឥតព្រៀងទុកដូចច្នេះទាហាននៃប្រទេសកូរ៉េខាងត្បូងត្រូវតែត្រៀមខ្លួនជានិច្ច៕
