តៃប៉ិ៖ គ្រោះរញ្ជួយដីកម្រិត ៦.៣រ៉ិចទ័រ បានវាយប្រហារតៃវ៉ាន់នាព្រឹកថ្ងៃសុក្រនេះក្នុងចម្ងាយ ៣៤គីឡូម៉ែត្រ ពីទីក្រុង Hualien ភាគខាងកើតកោះតៃវ៉ាដោយមិនមានការរាយការណ៍ភ្លាមៗអំពីការខូចខាតពីគ្រោះរញ្ជួយដីនេះនៅឡើយនោះទេ។ ការរញ្ជួយដីក៏បានអង្រួនអគារនានាក្នុងរដ្ឋធានីតៃប៉ិផងដែរ។ អាជ្ញាធរបាននិយាយថា សេវារថភ្លើងក្រោមដីនៅក្នុងទីក្រុងបានបន្តក្នុងល្បឿនទាប។
យោងតាមរដ្ឋបាលអាកាសធាតុនៃកោះតៃវ៉ាន់បានបញ្ចាក់ថាការរញ្ជួយដីនេះមានជម្រៅ ៩.៧ គីឡូម៉ែត្ររញ្ជួយដីកម្រិតថ្មីនេះកើតឡើងបន្ទាប់ពីមានការរញ្ជួយដីកម្រិត ៥.៧រ៉ិចទ័រ ដែលបានវាយប្រហារនៅឆ្នេរសមុទ្រភាគឦសានរបស់កោះតៃវ៉ាន់កាលពីល្ងាចថ្ងៃព្រហស្បតិ៍។
ជារឿយៗតៃវ៉ាន់តែងតែជួបនៃការរញ្ជួយដីដោយសារតែកោះនេះស្ថិតនៅជិតចំណុចប្រសព្វនៃបន្ទះប្លាកែតពីរ ហើយងាយនឹងមានការរញ្ជួយដី។កាលពីខែមេសា ទីក្រុង Hualien ត្រូវបានវាយប្រហារដោយការរញ្ជួយដីដ៏ធំបំផុតដែលមិនធ្លាប់កើតមានជាង២៥ឆ្នាំមកនេះ។ រញ្ជួយដីក្នុងខែ ៤ បានបណ្តាលឲ្យមនុស្ស ៩នាក់បានស្លាប់ និងជាង ៩០០នាក់រងរបួស៕
