ភ្នំពេញ៖ កម្លាំងប្រតិបត្តិការរុករក នៃកងយោធពលខេមរភូមិន្ទ នៅម៉ោងប្រមាណជាង១០ព្រឹកថ្ងៃទី ៣០ កក្កដានេះ បានប្រទះឃើញ សាកសពអាកាសយានិកម្នាក់ទៀត ឈ្មោះ ស៊ុន ផល្លា នៅចំណុចជើងភ្នំយ៉ាវយ៉ៃ ចម្ងាយប្រមាណ២១០ម៉ែត្រពីចំណុចឧទ្ធម្ភាគចក្រធ្លាក់។នេះបើយោងតាមសេចក្តីប្រកាសរបស់អ្នកនាំពាក្យក្រសួងការពារជាតិកម្ពុជា។
ប្រភពដដែលបានរាយការណ៍ថា នៅវេលាម៉ោង១០៖៣០នាទីព្រឹក ថ្ងៃទី៣០ ខែកក្កដា ឆ្នាំ២០២៤នេះ កម្លាំងប្រតិបត្តិការរុករក នៃកងយោធពលខេមរភូមិន្ទ បានប្រទះឃើញ អាកាសយានិកម្នាក់ទៀត ឈ្មោះ ស៊ុន ផល្លា ដែលបានពលីនៅចំណុចជើងភ្នំយ៉ាវយ៉ៃ ចម្ងាយប្រមាណ២១០ម៉ែត្រពីចំណុចឧទ្ធម្ភាគចក្រធ្លាក់។លោក ស៊ុន ផ្លា គឺជាប្រធានក្រុមដឹកនាំហ្វឹកហ្វីនអាកាសយានិក ហើយបានបាត់ខ្លួន ក្នុងហេតុការណ៍ធ្លាក់ឧទ្ធម្ភាគចក្រ ស្ថិតនៅក្នុងឃុំថ្មដា ស្រុកវាលវែង ខេត្តពោធិ៍សាត់ កាលពីថ្ងៃទី ១២ កក្កដាកន្លងទៅ។
