![](https://cdn.cc-times.com/kh.cc-times.com/media/51060/large/452538008_897785502532406_7185591326940190478_n.jpg?1721812624)
ហ្វីលីពីន៖ ប្រទេសហ្វីលីពីន នៅរសៀលថ្ងៃទី ២៤ កក្កដានេះ បានរងនៅការវាយប្រហារខ្លាំងដោយ ព្យុះទីហ្វុង Gaemi នាំឱ្យតំបន់ និង ទីក្រុងសំខាន់របស់ប្រទេសនេះរងការជនលិច ហើយសាលារៀន និង កន្លែងធ្វើការរដ្ឋ និង ឯកជន បង្ខំចិត្តបិទទ្វាមិនដំណើរការ ដោយសារកើនខ្យល់លាយឡំជាមួយទឹកភ្លៀងកើនលឿនរហ័ស ខុសសព្វដង។
![](https://cdn.cc-times.com/kh.cc-times.com/media/51063/large/photo_2024-07-24_15-42-46.jpg?1721812662)
មន្ត្រីគ្រោះមហន្តរាយនៅជាយក្រុងម៉ានីល បានប្រាប់ទីភ្នាក់ងារបារាំង AFP ថា មានតំបន់ជាច្រើនត្រូវបានជន់លិច ជាពិសេសទីក្រុងខ្វេស៊ុន (Quezon City) ទីក្រុងម៉ានីឡា ដោយទឹកជន់លិចប្រមាណជាងពីរម៉ែត្របង្កការខូចខាតទ្រព្យសម្បត្តិអស់ជាច្រើន។
![](https://cdn.cc-times.com/kh.cc-times.com/media/51061/large/452645015_897785465865743_8863711358576524305_n.jpg?1721812650)
មន្ត្រីជំនាញអាកាសធាតុ អះអាងថា កម្លាំព្យុះ Gaemi អតិបរមា ១៥៥ គីឡូម៉ែត្រក្នុងមួយម៉ោង និង ខ្យល់បក់រហូតដល់ ១៩០ គីឡូម៉ែត្រក្នុងមួយម៉ោង ធ្វើដំណើរឆ្ពោះទៅកាន់កោះតៃវ៉ាន់ បន្ទាប់ពីបានបោកបក់កាត់ប្រទេសហ្វីលីពីន។ទីភ្នាក់ងារអាកាសធាតុ បានព្រមានប្រជាពលរដ្ឋឲ្យរក្សាការប្រុងប្រយ័ត្នដោយព្យុះភ្លៀងអាចនឹងបន្តវាយប្រហារបន្តទៀត។
![](https://cdn.cc-times.com/kh.cc-times.com/media/51062/large/photo_2024-07-24_15-42-45.jpg?1721812659)
គួរបញ្ជាក់ថាព្យុះ Gaemi និង ព្យុះត្រូពិចមួយទៀតឈ្មោះ Prapiroon បានវាយប្រហារភាគខាងត្បូងប្រទេសហ្វីលីពីន ហើយបានបង្កជាទឹកជំនន់កាលពីសប្តាហ៍មុន បណ្តាលឲ្យមនុស្សប្រាំពីរនាក់បានស្លាប់។អាជ្ញាធរអាកាសយានដ្ឋានរបស់ទីក្រុងម៉ានីល បានបញ្ជាក់ថា អ្នកដំណើរ ៣៥៤នាក់ និង នាវាចំនួន ៣១គ្រឿងបានជាប់គាំងនៅក្នុងកំពង់ផែ ហើយក្រុមហ៊ុនអាកាសចរណ៍បានលុបចោលជើងហោះហើរ៕
![](https://cdn.cc-times.com/kh.cc-times.com/media/51064/large/452389996_897687349208888_4116988895777191470_n.jpg?1721812674)