«បាក់ស្ពាន»នៅចិនផ្តាច់ជីវិតមនុស្ស១២នាក់ បាត់ខ្លួន៣១នាក់

ចិន៖ មានយ៉ាងហើចណាស់មនុស្ស១២នាក់បានស្លាប់ និង៣១នាក់ផ្សេងទៀតបានបាត់ខ្លួនក្នុងហេតុការណ៍បាក់ស្ពានផ្លូវហាយវេដែលបង្កឡើងដោយភ្លៀងធ្លាក់ខ្លាំងនៅក្នុងខេត្ត Shaanxi ភាគពាយ័ព្យប្រទេសចិនកាលពីល្ងាចយប់ថ្ងៃសុក្រ។ ស្ពានឆ្លងធំនេះស្ថិតនៅក្នុង ក្នុងទីក្រុង Shangluo បានបាក់មួយផ្នែកតូច ដោយសារតែមានភ្លៀងធ្លាក់ខ្លាំងនិងទឹកជំនន់។

យោងតាមអាជ្ញាធរចិនបានអះអាងថាការស៊ើបអង្កេតដំបូងបានបង្ហាញថា រថយន្តសរុបចំនួន ១៧គ្រឿង និងរថយន្តដឹកទំនិញចំនួន ៨គ្រឿង បានធ្លាក់ចូលទៅក្នុងទន្លេ Jinqian ខាងក្រោមស្ពាន។ គិតត្រឹមថ្ងៃសៅរ៍ ក្រុមអ្នកជួយសង្គ្រោះបានរកឃើញសាកសព ១២ នាក់បានស្លាប់ហើយ មនុស្សម្នាក់ត្រូវបានជួយសង្គ្រោះ។

អ្នកជួយសង្គ្រោះប្រហែល ១,៤០០នាក់ រួមទាំងប៉ូលីសប្រដាប់អាវុធ និងក្រុមពន្លត់អគ្គីភ័យ រួមជាមួយនឹងគ្រឿងចក្រធំៗជាង ៣០០ ត្រូវបានបញ្ជូនទៅបំពេញបេសកកម្មស្វែងរក និងជួយសង្គ្រោះនៅកន្លែងស្ពានដែលបានបាក់៕