វៀតណាម៖ ប្រាក់បៀវត្សរ៍នៅក្នុងកងកម្លាំងប្រដាប់អាវុធប៉ូលីសរបស់ប្រទេសវៀតណាមបានកើនឡើងដល់ទៅ ២៤.៣៣ លានដុង (៩៥៥.៨០ ដុល្លារអាម៉េរិក) ក្នុងមួយខែ បន្ទាប់រដ្ឋាភិបាលបានធ្វើការដំឡើងប្រាក់ខែគោលសម្រាប់អ្នកដែលបម្រើការងារនៅក្នុងរដ្ឋាភិបាលចាប់ពីថ្ងៃទី ១ ខែកក្កដា។ ប្រាក់បៀវត្សរ៍មូលដ្ឋានសម្រាប់អ្នកធ្វើការក្នុងជួលរដ្ឋាភិបាល រួមទាំងមន្ត្រីរាជការ និងកងកម្លាំងប្រដាប់អាវុធ ត្រូវបានដំឡើង ៣០% ដល់ ២.៣៤ លានដុង (៩២ ដុល្លារអាម៉េរិក)ពីលើប្រាក់ខែគោលចាប់ពីដើមខែកក្កដានេះ។
យោងតាមការចុះផ្សាយរបស់កាសែតវៀតណាម VNExpress សម្រាប់នាយវរសេនីយ៍ឯកម្នាក់ត្រូវបានគេដំឡើងដល់ ២៤,៣៣ លានដុងក្នុងមួយខែដោយមិនរាប់បញ្ចូលប្រាក់ឧបត្ថម្ភ អនុសេនីយ៍ទោ២១,៥លានដុង និងឧត្តមសេនីយ៍ទោទទួលបាន២០,១លានដុង។
បន្ថែមពីលើប្រាក់បៀវត្សរ៍ប្រចាំខែ មន្ត្រីនគរបាលទទួលបានប្រាក់បំណាច់អតីតភាពការងារ ដោយផ្អែកលើកម្រិតប្រាក់បៀវត្សរ៍បច្ចុប្បន្ន និងម៉ោងបម្រើការងារ បូករួមទាំងប្រាក់បំណាច់កាតព្វកិច្ចផ្លូវការ និងប្រាក់ឧបត្ថម្ភតំណែងថ្នាក់ដឹកនាំ៕
