Cc time web banner 054637

កម្ពុជាត្រៀមស្វាគមន៍«អ្នកការទូតថ្មី»ចិនលោកWang Wenbin រហ័សនាម អ្នកចម្បាំងចចក

នយោបាយ
/
អ្នកយកព័ត៌មាន:
ស៊ីស៊ីថាមស៍
/
រាប់ពីឆ្វេង គឺ លោក ជុំ សុន្ទរី អ្នកនាំពាក្យក្រសួងការបរទេស និង លោក ​Wang Wenbin។

ភ្នំពេញ៖ អតីត​អ្នក​នាំពាក្យ​ក្រសួង​ការ​បរទេស​ចិន​ គឺលោក ​Wang Wenbin ​ត្រូវ​បាន​តែងតាំង​ជា​ឯកអគ្គ​រដ្ឋទូត​ចិន​ថ្មី ​ប្រចាំ​ប្រទេស​កម្ពុជា។​អ្នកនាំពាក្យក្រសួងការបទេសកម្ពុជា ប្រកាសស្វាគមន៍ ហើយជឿជាក់ថា វត្តមានរបស់លោក ​Wang Wenbin នឹងជួយឱ្យទំនាក់ទំនងរវាងប្រទេសចិន និងកម្ពុជា នឹងឈានដល់កម្រិតខ្ពស់ថ្មី។

ក្នុងបទសម្ភាសន៍ជាមួយ ស៊ីស៊ីថាមស៍ លោក ជុំ សុន្ទរី អ្នកនាំពាក្យក្រសួងការបរទេស និង សហប្រតិបត្តិការ អន្តរជាតិកម្ពុជា បានប្រកាសស្វាគមន៍ លោក Wang Wenbin ជាឯកអគ្គរដ្ឋទូតថ្មីរបស់ប្រទេសចិនប្រចាំកម្ពុជា។លោក​ Wang Wenbin ​មាន​អាយុ ​៥៣ ​ឆ្នាំ ​អតីត​អ្នក​នាំពាក្យ​ក្រសួង​ការ​បរទេស​ចិន​ ​និង​មាន​បទ​ពិសោធន៍​ផ្នែក​ការទូត​ជាង​ ៣០​ ឆ្នាំ។​ លោក​ក៏​ត្រូវ​បាន​គេ​ស្គាល់​ថា​ ជា​អ្នកដែល​ពូកែ​វោហា​សាស្ត្រ​ក្នុង​ការ​ឆ្លើយតប​ជាមួយ​នឹង​បញ្ហា​ទំនាក់​ទំនង​ការទូត​របស់​ចិន ​ដោយមាន រហ័សនាម «អ្នកចម្បាំងចចក»។

បើតាមលោក ជុំ សុន្ទរី កម្ពុជាត្រៀមខ្លួនរួចជាស្រេចក្នុងការផ្តល់ឱ្យឯកអគ្គរដ្ឋទូតថ្មី លោក Wang Wenbin នូវកិច្ចសហប្រតិបត្តិការពេញលេញ និង ធ្វើការយ៉ាងជិតស្និទ្ធ ដើម្បីពង្រឹង និង ពង្រីកបន្ថែមទៀតនូវចំណងមិត្តភាព និង កិច្ចសហប្រតិបត្តិការពេជ្រ រវាងប្រជាជាតិទាំងពីរ។លោកជឿជាក់ថា ក្រោមការដឹកនាំរបស់ឯកអគ្គរដ្ឋទូតថ្មី ទំនាក់ទំនងរវាងប្រទេសចិន និង កម្ពុជា នឹងឈានដល់កម្រិតខ្ពស់ថ្មី។

ការ​តែងតាំងជើងខ្លាំងកិច្ចការបរទេសចិនមកកាន់កម្ពុជាពេលនេះ  គឺដោយ​សារ​តែ​លោក​ស្គាល់​ និង​ យល់​ច្បាស់​ពី​កិច្ចការ​ទំនាក់​ទំនង​កម្ពុជា-ចិន និង​ផ្អែក​លើនិន្នាការ​ភូមិសាស្ត្រ​នយោបាយ​ក្នុង​តំបន់។ការតែងតាំងលោក Wang Wenbin មកកម្ពុជា គឺធ្វើឡើងស្របពេលអាម៉េរិក​ចាត់តាំង​មន្រ្តី​ការ​បរទេស​ជាន់​ខ្ពស់​គឺ​លោក​ Robert Forden ​ជា​ឯក​អគ្គ​រដ្ឋទូត​អាម៉េរិកប្រចាំកម្ពុជា។លោក​ Robert Forden គឺ​ជា​សមាជិក​ផ្នែក​កិច្ចការ​បរទេស​ជាន់​ខ្ពស់​ មាន​ឋានៈ​ជា​ទីប្រឹក្សា​របស់​រដ្ឋមន្ត្រី ​ហើយ​បច្ចុប្បន្ន​នេះ ​លោក​កំពុង​បំពេញ​តួនាទី​ជា​ទីប្រឹក្សា​ជាន់​ខ្ពស់​នៅ​ការិយាល័យ​ កិច្ចការ​អាស៊ីខាង​កើត​ និង​ ប៉ាស៊ីហ្វិក​នៃ​ក្រសួង​ការ​បរទេស​សហ​រដ្ឋ​អាម៉េរិក៕

ផ្ទាំងពាណិជ្ជកម្ម
Img 4048
Photo 2023 06 28 13.36.05
Photo 2022 10 27 10.25.23
Khcct banner

អត្ថបទទាក់ទង