Cc times web banner kh additional year end web banner2 (6)

ស្វីសអញ្ជើញប្រទេសជាង១០០ចូលរួមកិច្ចប្រជុំសន្តិភាពអ៊ុយក្រែន តែមិនធ្វើការអញ្ជើញរុស្សី

អន្តរជាតិ
/
អ្នកយកព័ត៌មាន:
កូ រដ្ឋា
/
មន្ត្រីរដ្ឋាភិបាល និងយោធាស្វីសចូលរួមសន្និសីទសារព័ត៌មានមួយទៅកាន់ប្រព័ន្ធផ្សព្វផ្សាយមុនកិច្ចប្រជុំកំពូលសន្តិភាពរបស់ប្រទេសអ៊ុយក្រែនថ្ងៃទី ១៥-១៦ ខែមិថុនានៅទីក្រុង Bern ប្រទេសស្វីស

ស្វីស៖ ប្រទេស និងអង្គការជិត ៩០ ដែលពាក់កណ្តាលមកពីអឺរ៉ុប បានបញ្ជាក់ពីការចូលរួមក្នុងកិច្ចប្រជុំកំពូលសន្តិភាពអ៊ុយក្រែន ដែលរៀបចំដោយប្រទេសស្វីសដែលនឹងចាប់ផ្តើមកិច្ចប្រជុំនៅចុងសប្តាហ៍នេះ។ ប្រទេសរុស្សីមិនត្រូវបានគេអញ្ជើញចូលរួមដំណោះស្រាយសន្តិភាពអ៊ុយក្រែនឡើយ រុស្សីក៏បានធ្វើការបដិសេធមិនចូលរួមកម្មវិធីកិច្ចប្រជុំនាៗស្តីពីសន្តិភាពអ៊ុយក្រែនឡើយ។

ប្រធានសហព័ន្ធស្វីសលោកស្រី Viola Amherd បានប្រាប់អ្នកសារព័ត៌មានក្នុងរដ្ឋធានី Bern នៃប្រទេសស្វីសថា កិច្ចប្រជុំកំពូលនៅថ្ងៃសៅរ៍ និងថ្ងៃអាទិត្យ នឹងមានបំណងកំណត់ផ្លូវឆ្ពោះទៅរកសន្តិភាពដែលអាចកើតមានជិត ២៨ ខែ បន្ទាប់ពីកងកម្លាំងរុស្ស៊ីបានឈ្លានពានអ៊ុយក្រែន វេទិការសន្តិភាពអ៊ុយក្រែននេះធ្វើឡើងដើម្បីស្វែងរកដំណោះស្រាយបញ្ចប់ជម្លោះរវាងប្រទេសរុស្សី និងអ៊ុយក្រែន ដោយអ្នកចូលរួមភាគច្រើនជាមេដឹកនាំប្រទេសកំពូល ដែលមានប្រហែលពាក់កណ្តាលតំណាងនៅកម្រិតប្រមុខរដ្ឋ រដ្ឋាភិបាល និងមួយចំនួនមកពីអង្គការសហប្រជាជាតិ។

ប្រធានាធិបតីបារាំង Emmanuel Macron និងអធិការបតីអាល្លឺម៉ង់ Olaf Scholz អនុប្រធានាធិបតីអាម៉េរិក Kamala Harris ទីប្រឹក្សាសន្តិសុខជាតិរបស់ប្រធានាធិបតី Joe Biden គឺលោក Jake Sullivan ត្រូវបានគេរំពឹងថានឹងចូលរួមកិច្ចប្រជុំកំពូលនេះផងដែរ។

ប្រធានសហព័ន្ធស្វីសលោកស្រី Viola Amherd

ចំណែកប្រទេសប្រេស៊ីល និងចិនបាននិយាយថា ពួកគេនឹងមិនចូលរួមទេ លុះត្រាតែភាគីជម្លោះទាំងពីរចូលរួមទាំងរុស្ស៊ីផងដែរ ដោយក្នុងនោះប្រទេសចិនបានចាត់ទុកការអញ្ជើញចូលរួមនេះពិបាកនឹងធ្វើការឆ្លើយតបដោយសារតែភាគីរុស្សីមិនមានវត្តមានក្នុងកិច្ចប្រជុំ។

ក្រុមមន្ត្រីស្វីសបានអះអាងថាយោធាចំនួន ៤,០០០នឹងត្រូវដាក់ពង្រាយ ដើម្បីផ្តល់សន្តិសុខ និងគាំទ្រការដឹកជញ្ជូនតាមផ្លូវអាកាស ការឃ្លាំមើល និងដាក់ចេញនូវរបងសុវត្ថិភាព និងការការពារយ៉ាងតឹងរឹងបំផុតដល់សុវត្ថិភាពអ្នកដែលចូលរួមកិច្ចប្រជុំកំពូលនេះ៕

ផ្ទាំងពាណិជ្ជកម្ម
Img 4048
Photo 2023 06 28 13.36.05
Photo 2022 10 27 10.25.23
Khcct banner

អត្ថបទទាក់ទង