ហ្សឺណែវ៖ អង្គការសុខភាពពិភពលោកបានប្រកាសនាថ្ងៃសៅរ៌នេះថាមានក្មេងស្រីអាយុ ២ឆ្នាំកន្លះម្នាក់ បានធ្វើតេស្តវិជ្ជមានជំងឺផ្តាសាយបក្សី H5N1 ហើយកំពុងត្រូវបានព្យាបាលយ៉ាងយកចិត្តទុកដាក់ពីមន្ទីរពេទ្យក្នុងប្រទេសអូស្ត្រាលី ក្មេងស្រីរូបនេះបានកើតជំងឺបន្ទាប់ពីបានធ្វើដំណើរទៅកាន់ប្រទេសឥណ្ឌា។
យោងតាមសេចក្តីថ្លែងការណ៍មួយរបស់អង្គការសុខភាពពិភពលោកបានឲ្យដឹងថា "នេះគឺជាការឆ្លងដំបូងជាថ្មីម្តងទៀតទៅកាន់មនុស្សដែលបង្កឡើងដោយវីរុសផ្តាសាយបក្សី A(H5N1) ដែលត្រូវបានរកឃើញ និងរាយការណ៍ដោយប្រទេសអូស្ត្រាលី។ ទោះបីជាប្រភពនៃការប៉ះពាល់នឹងមេរោគក្នុងករណីនេះមិនទាន់ដឹងក៏ដោយ ប៉ុន្តែការប៉ះពាល់មាន់ដែលផ្ទុកមេរោគនេះផ្ទាល់អាចកើតមានឡើងនាពេលកុមារីបានទៅលេងប្រទេសឥណ្ឌា៕
