ភ្នំពេញ៖ ស្ថានទូតបារាំងប្រចាំកម្ពុជាបានឱ្យដឹងថា នៅ ថ្ងៃទី២៨ ខែឧសភា យោធិនជាង២០០នាក់នៃកងយោធពលខេមរភូមិន្ទបានចូលរួមពិធីចែកសញ្ញាប័ត្រភាសាបារាំងនៅស្ថានទូតបារាំង។ ពិធីនេះត្រូវបានរៀបចំឡើង ដើម្បីប្រគល់សញ្ញាប័ត្រជូនដល់យោធិនដែលប្រលងជាប់សញ្ញាប័ត្រភាសាបារំាង DELF។
ភាសាបារាំងផ្តល់ដល់យោធិនទាំងនេះនូវឱកាសដ៏ពិតប្រាកដ ដូចជាការចូលរួមវគ្គបណ្តុះបណ្តាលនៅប្រទេសបារាំង ឬលទ្ធភាពទទួលបានមុខតំណែងក្នុងបញ្ជាការដ្ឋាននៃប្រតិបត្តិការរក្សាសន្តិភាពរបស់អង្គការសហប្រជាជាតិ។
ប្រទេសបារាំងគាំទ្រដល់កិច្ចខិតខំប្រឹងប្រែងរបស់កម្ពុជាដើម្បីលើកកម្ពស់ការប្តេជ្ញាចិត្តរបស់ស្ត្រីនៅក្នុងជួរកងកម្លាំងដែលត្រូវបានដាក់ពង្រាយនៅក្នុងប្រតិបត្តិការរក្សាសន្តិភាព ដែលជាអាទិភាពមួយក្នុងក្របខ័ណ្ឌនៃរបៀបវារៈស្ត្រី សន្តិភាព និងសន្តិសុខ៕
