Cc times web banner kh additional year end web banner2 (6)

វៀតណាមតែងតាំងអតីតមេប៉ូលីសជាប្រធានាធិបតីថ្មី

អន្តរជាតិ
/
អ្នកយកព័ត៌មាន:
កូ រដ្ឋា
/
លោក Tô Lâm

វៀតណាម៖ សភាវៀតណាមបានជ្រើសរើសមេប៉ូលីសវៀតណាមលោក To Lam ជាប្រធានាធិបតីវៀតណាមថ្មី ជាតំណែងប្រធានាធិបតីថ្មីដែលអ្នកវិភាគមើលឃើញថាជា «ជំហានមួយ» សម្រាប់លោក Lam ដើម្បីប្រជែងតំណែងប្រធានបក្សកុម្មុយនិស្តកំពូលរបស់ប្រទេសនៅពេលក្រោយ។ ការបោះឆ្នោតជ្រើសរើសលោក Lam ធ្វើឡើងបន្ទាប់ពីកំពូលមេដឹកនាំវៀតណាមជាង ៨រូបបានប្រកាសលាលែងពីតំណែងតៗគ្នាក្រោយត្រូវបានរកឃើញពីការប្រព្រឹត្តអំពើខុសច្បាប់មួយចំនួនផ្ទុយពីរដ្ឋធម្មនុញ្ញនៃប្រទេសវៀតណាម។

ស្របតាមនីតិវិធីនៅក្នុងរដ្ឋរដ្ឋធម្មនុញ្ញយ៉ាងតឹងរ៉ឹងរបស់វៀតណាម សមាជិកសភាបានបោះឆ្នោតជាឯកច្ឆ័ន្ទលើ លោក Lam ដែលជាបេក្ខជនតែមួយគត់សម្រាប់តំណែងជាប្រធានាធិបតីថ្មីរបស់វៀតណាម។ លោក Lam ដែលប្រមុខនៃរដ្ឋមន្រ្តីក្រសួងសន្តិសុខសាធារណៈវៀតណាម មានវ័យ ៦៦ ឆ្នាំគឺជាតួអង្គសំខាន់នៅក្នុងយុទ្ធនាការប្រឆាំងអំពើពុករលួយដែលត្រូវបានគេស្គាល់ថាជាគោលនយោបាយ "ភ្លើងឆេះអំពើពុករលួយ" ដែលលោកមានបំណងលុបបំបាត់អំពើពុករលួយក្នុងប្រទេសវៀតណាម។ បន្ទាប់ពីជាប់ឆ្នោត លោក Lam បានប្រាប់សមាជិកសភាថា លោកនឹង "បន្តការតស៊ូប្រឆាំងអំពើពុករលួយ" ក្នុងប្រទេសវៀតណាម នឹងធ្វើការបោសសម្អាតមន្រ្តីដែលជាប់ឃុបឃិតក្នុងអំពើពុករលួយ៕


ផ្ទាំងពាណិជ្ជកម្ម
Img 4048
Photo 2023 06 28 13.36.05
Photo 2022 10 27 10.25.23
Khcct banner

អត្ថបទទាក់ទង