Fujian ៖ ព្រឹត្តិការណ៍ RoboCup China Open ឆ្នាំ 2024 បានបិទបញ្ចប់នៅទីក្រុង Jinjiang នៃខេត្ត Fujian ភាគខាងកើតប្រទេសចិន ដោយមានអ្នកចូលចិត្តមនុស្សយន្តជិត៤០០០ នាក់ ជាមួយការបង្ហាញពីជំនាញ និងបច្ចេកវិទ្យាថ្មីៗ ហើយជាលទ្ធផលនៅក្នុងក្រុមជើងឯកចំនួន ៤២ ក្រុម។
ព្រឹត្តិការណ៍ RoboCup China Open ឆ្នាំ 2024 គេធ្វើរយៈពេលបីថ្ងៃរៀបចំរួមគ្នាដោយសមាគមចិន សម្រាប់ស្វ័យប្រវត្តិកម្ម និង ស្ថាប័នដ៏មានកិត្យានុភាពផ្សេងទៀត។ក្រុមយុវជនចូលរួមជិត ៥០០ក្រុមមកពីសាកលវិទ្យាល័យចំនួន ១៣៦ រួមទាំងសាកលវិទ្យាល័យ Tsinghua សាកលវិទ្យាល័យ Zhejiang និង សាកលវិទ្យាល័យជាតិនៃបច្ចេកវិទ្យាការពារជាតិ ព្រមទាំងក្រុមចំនួន ២៦២ មកពីសាលាបឋមសិក្សា និង អនុវិទ្យាល័យ។
ជាលទ្ធផលនៃការប្រកួតគេរកឃើញក្រុមសរុបចំនួន ៤២ បានឈ្នះជាក្រុមធ្វើបានល្អជើងឯក និង ក្រុមទទួលបានតំណែងជើងឯករង ៤២ និង ៣៨ ក្រុមទទួលបានចំណាត់ថ្នាក់លេខ ៣ ។
ក្រុមអ្នករៀបចំ បានចាត់ទុកព្រឹត្តិការណ៍ ជា"ការអភិវឌ្ឍធនធានមនុស្សប្រកបដោយការច្នៃប្រឌិតកំពូល គឺជាបេសកកម្មដ៏សំខាន់នៃការអប់រំឧត្តមសិក្សានៅក្នុងប្រទេសចិន។ ការប្រកួតប្រជែងមនុស្សយន្តនេះ បង្កើនសមត្ថភាពដ៏ទូលំទូលាយ បម្រើជាស្ពានដ៏ល្អសម្រាប់ការលើកកម្ពស់កិច្ចសហប្រតិបត្តិការរវាង ឧស្សាហកម្ម បណ្ឌិត្យសភា និង វិទ្យាស្ថានស្រាវជ្រាវ។
គួរបញ្ជាក់ថា ចាប់តាំងពីការបោះពុម្ពលើកដំបូងរបស់ខ្លួនក្នុងឆ្នាំ ១៩៩៩ ការប្រកួតនេះត្រូវបានប្រារព្ធឡើងដោយជោគជ័យ ២៦ ដងជាប់ៗគ្នា នៅក្នុងទីក្រុងដូចជាប៉េកាំង និង សៀងហៃ។ព្រឹត្តិការណ៍នេះក៏មានគោលបំណងសម្រួលដល់ការផ្លាស់ប្តូរ និងការអនុវត្តសមិទ្ធិផលវិទ្យាសាស្ត្រ និង បច្ចេកវិទ្យាជឿនលឿនរបស់ចិនផងដែរ៕
.jpg?1721895592)
.jpg?1721876504)
