Cc times web banner kh additional year end web banner2 (6)

ឧទ្ធម្ភាគចក្រដឹក«ប្រធានាធិបតីអ៊ីរ៉ង់»ធ្លាក់ចុះជាមួយមន្រ្តីធំៗជាច្រើនរូប

អន្តរជាតិ
/
អ្នកយកព័ត៌មាន:
កូ រដ្ឋា
/

អ៊ីរ៉ង់៖ ឧទ្ធម្ភាគចក្រមួយគ្រឿងដឹកប្រធានាធិបតីអ៊ីរ៉ង់ លោក Ebrahim Raisi និងរដ្ឋមន្ត្រីការបរទេសរបស់លោកបានធ្លាក់ចុះកាលពីល្ងាចថ្ងៃអាទិត្យ ដោយឧទ្ធម្ភាគចក្រកំពុងឆ្លងកាត់តំបន់ភ្នំក្នុងអ័ព្ទខ្លាំង មន្ត្រីអ៊ីរ៉ង់បានប្រាប់រ៉យទ័រថាក្រុមអ្នកជួយសង្គ្រោះកំពុងព្យាយាមទៅដល់កន្លែងកើតហេតុដើម្បីធ្វើការសង្រ្គោះ។

មន្ត្រីអ៊ីរ៉ង់មិនបញ្ចេញឈ្មោះមួយរូបបានអះអាងថាជីវិតរបស់ប្រធានាធិបតីអ៊ីរ៉ង់ លោក Ebrahim Raisi និងរដ្ឋមន្ត្រីការបរទេស Hossein Amirabdollahian "ស្ថិតក្នុងហានិភ័យបន្ទាប់ពីការធ្លាក់ឧទ្ធម្ភាគចក្រ" ដែលបានកើតឡើងនៅតាមផ្លូវត្រឡប់ពីដំណើរទស្សនកិច្ចទៅកាន់ព្រំដែនជាមួយ អាស៊ែបៃហ្សង់ នៅភាគពាយព្យនៃប្រទេសអ៊ីរ៉ង់។មន្ត្រីរូបនេះបន្តទៀតថាយើងនៅតែមានក្តីសង្ឃឹម ដោយប្រតិបត្តិការរុករកកំពុងតែបន្តនៅឡើយ។

ប្រព័ន្ធផ្សព្វផ្សាយរដ្ឋអ៊ីរ៉ង់បានឲ្យដឹងថាអាកាសធាតុអាក្រក់បានបង្កឱ្យមានការធ្លាក់ឧទ្ធម្ភាគចក្រហើយបណ្តាលឱ្យមានភាពស្មុគស្មាញដល់កិច្ចប្រឹងប្រែងជួយសង្គ្រោះព្រោះតែអាកាសធាតុមិនអំណោយផល។ លោក Raisi កំពុងហោះហើរនៅក្នុងឧទ្ធម្ភាគចក្រ Bell 212 ដែលផលិតដោយសហរដ្ឋអាម៉េរិក។មេទ័ពអ៊ីរ៉ង់បានបញ្ជាឱ្យកងទ័ព និងកងឆ្មាំបដិវត្តន៍ឥស្សរជនទាំងអស់ត្រូវដាក់ឱ្យឈរជើងក្នុងប្រតិបត្តិការស្វែងរក និងជួយសង្គ្រោះ។

ទូរទស្សន៍ជាតិអ៊ីរ៉ង់បានបញ្ឈប់រាល់កម្មវិធីនាៗ ដើម្បីបង្ហាញពីការអធិស្ឋានសម្រាប់លោក Raisi នៅទូទាំងប្រទេស។នៅព្រឹកព្រលឹមថ្ងៃច័ន្ទនេះក្រុមជួយសង្គ្រោះជាច្រើនមានទាំងមកពីប្រទេសរុស្សីផងដែលនោះកំពុងតែបន្តប្រតិបត្តិការរុករកលោក Raisi ចំពេលដែលអាកាសធាតុកាន់តែអាក្រក់ៗទៅ៕

ផ្ទាំងពាណិជ្ជកម្ម
Img 4048
Photo 2023 06 28 13.36.05
Photo 2022 10 27 10.25.23
Khcct banner

អត្ថបទទាក់ទង